Charter Document - 03391121
| Charter Number: | 03391121 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1246 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Cristi fidelibus ad quos presens scriptum pervenerit Frethericus de Bissepesdon persona de Colyngbourn salutem in domino sempiternam Sciatis me concessisse [et quantum ad personam meam pertinet contulisse Ph[ilippo] de Amenel capellano nomine perpetue vicarie illud mesuagium cum pertinentiis quod Willelmus capellanus quondam tenuit et omnes decimas totius curie mee de Colyngburn scilicet de garbis et ovibus et agnis et lana et de omnibus mobilibus exeuntibus de dominico meo et de curia mea et preterea omnes decimas totius parochie mee de Colyngbourn ad me et ad ecclesiam de Colyngbourn spectantes preter decimam garbarum et feni dicte parochie unde dictus Ph[ilipp]us nichil percipiet Dedi etiam et concessi dicto Ph[ilipp]o omnes oblationes provenientes ad altar[e] et primum testamentum defunctorum totius parochie et preterea quatuor solidos quos ecclesia de Colyngbourn percipit annuatim de ecclesia de Everleya et unam libram olibani quam similiter percipit de dicta ecclesia de Everleya Dictus vero Ph[ilipp]us sustinebit omnia onera episcopalia ordinaria iusta et consueta supradictam ecclesiam contingentia et archidiaconalia cum procuratione archidiaconi et preterea solvet unam marcam annuatim sacristario abbathie sancti Petri de Hyda Ut autem hec mea donatio et concessio rata permaneat et inconcussa presens scriptum sigilli mei appositione roboravi Hiis testibus domino Iordano decano de Marleberg Roberto vicario de Everleya Willelmo de Amenel capellano Adam capellano de Amenel Waltero de Bissepesdon Thoma Martyn de Marleberg Petro clerico Waltero filio Nicholai et aliis]