Charter Document - 03391091

Noverint universi hoc s[criptum] visuri vel audituri quod cum mota [esset] controversia inter decanum et capitulum Sar ex una parte et nobilem virum dominum Hunfr de Bohun comitem H[erford et Essex] ex altera super d[ecimis] dom[inici comitis de] Wiveleford et Maningeford et una hyda terre in Maningeford tandem per compositionem [realem sic] conquievit Sc[ilicet quod dictus] comes vel qui dicta maneria tenuerit ad dictas dec[imas cum eas v]acare contigerit quem voluerit clericum in perpetuum libere et absque contradictione decani et capituli [Sar] presentabit Ita tamen quod ille presentatus [solvet in perpetuum annua]tim de illis decimis hospitali sancti Nicholai Sar triginta solidos sterlingorum ex caritativa collatione capituli Sar et concessione dicti comitis pro [animabus episcoporum decanorum et] canonicorum Sar et pro animabus dicti comitis et comitisse et antecessorum et successorum suorum ad terminos subscriptos scilicet ad festum sancti Michaelis decem solidos et [ad festum] Annun[ci]acionis beate Marie decem solidos et ad Nativitatem beati Iohannis Baptiste decem solidos ita quod nec decanus nec capitulum Sar nec dictum hospitale plus de dictis decimis sibi vendicabunt Susceperunt etiam in se dicti decanus et capitulum defensionem et tuitionem pro dicto comite et suo presentato contra abbatem et conventum sancti Wandrigesili et contra magistrum et fratres dicti hospitalis sancti Nicholai Sar si forte per aliquos ipsorum dictum comitem in sua presentatione ad dictas decimas a dicto decano et capitulo tempore compositionis petitas et vacantes contigerit [im]pediri vel presentatum suum aliquando impeti vel perturbari Facta est autem hec compositio de voluntate magistri [et] frat[rum] hospitalis sancti Nicholai Sar in eam consentientium In huius autem compositionis realis robur et testimon[ium] ad instantiam decani et capituli Sar et dicti comitis per venerabilem patrem Robertum Sar episcopum confirmate dicti decanus et capitulum et dictus comes Herford et dicti magister et fratres dicti hospitalis nomine hospitalis et magister Henricus de Bathonia per comitem ad [dictas] decimas presentatus huic scripto signa sua apposuerunt Hiis testibus dominis Roberto decano Rogero precentore [Ada] cancellario Henrico thesaurario Thoma subdecano Rogero succentore et magistris Henrico Thessun Radulfo de Eboraco Ricardo de Cnolle Willelmo de Len Willelmo de Ley[cestre] Petro Picot et militibus Ricardo de Wokes[eye] Alexandro de Munford Alexandro de Chyverel Iohanne de Vernun et multis aliis Dat anno gratie MCC trices[imo] octavo die sancti Hylarii per manum A cancellarii