Charter Document - 03391053
| Charter Number: | 03391053 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1226 - 1243 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego Ela comitissa Sarr pro deo et pro anima Willelmi Longespee comitis et omnium antecessorum suorum et meorum et pro salute mea et Willelmi Longespee filii mei primogeniti et omnium aliorum heredum meorum et liberorum meorum tempore viduitatis mee dedi et concessi et presenti carta mea confirmavi deo et beate Marie totum manerium meum de Lacok cum omnibus pertinentiis suis et libertatibus et liberis consuetudinibus in omnibus locis et in omnibus rebus sine aliquo retinemento ad faciend[um] abathiam monialium quam volo nominari Locum Beate Marie Quare volo quod abbatisse et moniales ibidem deo inperpetuum serviture habeant et teneant totum predictum manerium cum pertinentiis in liberam puram et perpetuam elemosinam solutum penitus et quietum ab omni seculari servitio pertinente ad dominum regem et ballivos suos et ad me et ad heredes meos et ab omni modo servitii et exactionis quocumque casu exigi possit de terra illa Et ego Ela et heredes mei warantizabimus defendemus et aquietabimus prefatis monialibus totum prefatum manerium cum pertinentiis ita liberum ut predictum est versus omnes homines et feminas inperpetuum Hiis testibus H de Burgo comite Kan[tie] iustic[iario] Angl[ie] W Maresc[allo] comite Penbr W de Warenn comite Surrey P filio Herberti H de Neville Radulfo filio Nicolai senescallo domini regis Iohanne le Daneys H de Albeneto et multis aliis