Charter Document - 03391043
| Charter Number: | 03391043 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1231 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Notum sit omnibus presentibus et futuris presens scriptum visuris vel audituris quod cum magister Hugo de Greneford rector ecclesie de Witech in Dorsetya traxisset abbatem et conventum de Abbedesbir in causam auctoritate literarum domini pape coram priore de Benetleya et coniudicibus suis super omnibus decimis maioribus et minoribus de dominico dictorum abbatis et conventus in manerio eorum de Wdeton tandem dicti abbas et conventus et magister Hugo de Greneford rector ecclesie de Witech compromiserunt in dominum H abbatem de Syreburn et magistrum Willelmum de Button officialem domini Bathon et magistrum Ph[ilippum] de Sancto David ita quod staretur eorum ordinationi in perpetuum qui in hunc modum ordinaverunt Videlicet quod dicti abbas et conventus dimittant dicte ecclesie de Witech in perpetuum omnes predictas decimas tam maiores quam minores de dicto dominico exceptis decimis feni de prato quod tempore huius ordinationis habuerunt dicti abbas et conventus ibidem in dominico quas dictus magister Hugo pro se et ecclesia sua de Witech remisit dictis abbati et conventui in perpetuum habendas et tenendas ita quod si post tempus huius ordinationis aliqua terra redacta ibidem fuerit in pratum de terra sic redacta in pratum recipiet rector dicte ecclesie de Witech decimam feni et quod dictus magister Hugo rector ecclesie de Witech et successores eiusdem qui pro tempore fuerint rectores in eadem ecclesia de Witech dabunt et solvent prefatis abbati et conventui apud Wdeton vel eorum assignato unam marcam annuam pro bono pacis et remissione dictarum decimarum ad duos terminos solvendam scilicet ad Pascha dimidiam marcam et ad festum sancti Michaelis dimidiam marcam ita quod qualibet septimana qua cessaverit rector ecclesie de Witech a solutione predicta ultra octo dies a dictis terminis solvet eisdem abbati et conventui duodecim denarios nomine pene Et prefate partes audita dicta ordinatione ipsam acceptaverunt et ad ipsam perpetuo observandam se obligaverunt renunciantes quantum ad predictam ordinationem appellationi contradictioni et omni iuris beneficio quod quocumque modo alicui dictarum partium contra dictam ordinationem possit competere Renunciantes similiter omni iuris remedio supposuerunt se partes iurisdictioni et cohertioni domini episcopi Sar qui pro tempore fuerit ut ipse si dicti abbas et conventus vel rector ecclesie de Witech in aliquo venerint contra dictam ordinationem eos compellat per censuram ecclesiasticam ad predicta omnia fideliter observanda Et facta fuit hec ordinatio anno ab incarnatione domini MCCXXXI