Charter Document - 03391033
| Charter Number: | 03391033 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1244 |
| Date type: | Internal, A.D., Calendar |
| Resource Link(s): |
|
Charter:
Venerabili patri domino W dei gratia episcopo Exon et venerande discrecionis viris dominis decano et capitulo Exon R miseracione divina Sarr ecclesie minister humilis R decanus et capitulum eiusdem ecclesie salutem et paratam ad honores et obsequia voluntatem Ad negocium de prebenda nostra de Teintun vestre diocesis iuxta formam indulgentie apostolice olim nobis super eadem concesse prosequendum dudum deliberatione provida inchoatum set non sine causa hactenus completum dilectos nobis in Cristo E archidiaconum Berksir et N subdecanum nostrum quos ad hoc specialiter procuratores nostros per literas presentes constituimus ad vestram presenciam destinamus rogantes affectuose quatinus predictum negocium assensu vestro benivolo roboretis ita tamen quod si Exon ecclesia per assensum vestrum in hac parte aliquam forsitan senserit lesionem eam mediantibus procuratoribus antedictis de certis eiusdem prebende proventibus congrua et perpetua recompensacione volumus instaurari ratum habituri et gratum quod per predictos procuratores nostros ad communem utilitatem Exon et Sarr ecclesiarum super predicto negocio actum fuerit prima racione Dat iiii kl Aprilis anno domini MCCXL quarto