Charter Document - 03391016

Charter Document - 03391016


Charter Number: 03391016
Cartulary Title: Salisbury 1229-1262 Volume 36
Charter Language: Latin
Charter Origin: Royal
Charter Type(s): Grant
Date: 1235
Date type: Internal, Regnal
Resource Link(s): Reference Document for this Embedded Document

Charter:

Henricus dei gratia rex Anglie dominus Hybernie dux Norm et Aquit comes Andeg archiepiscopis episcopis abbatibus prioribus comitibus baronibus iusticiar[iis] vicecomitibus prepositis et omnibus ballivis et fidelibus suis salutem Sciatis nos intuitu dei et pro salute anime nostre liberaliter et pure concessisse et presenti carta nostra confirmasse venerabili patri Ioscelino Bathon episcopo et successoribus suis quod idem episcopus et omnes successores sui in perpetuum habeant in liberam elemosinam patronatum abbatie Glaston et pertinent[iarum] cum omni iure et cum omnibus dignitatibus libertatibus et liberis consuetudinibus ad patronatum pertinentibus Quicumque vero ibi promotus fuerit ad regimen abbatie illius recipiet de manu predicti episcopi et successorum suorum temporalia que regalia appellarentur si ad nos pertineret patronatus et ipsis tanquam dominis et patronis eiusdem ecclesie faciet fidelitatem de feodis que modo pertinent ad abbatiam illam facturus fidelitatem postea nobis et heredibus nostris tanquam principibus set non propter feoda Et idem episcopus et omnes successores sui in perpetuum per manus suas nobis et heredibus nostris facient servitium regale quod ecclesia Glaston debuit et consuevit facere dum ibidem prius essent abbates Abbas vero qui pro tempore fuerit faciet predicto episcopo et successoribus suis in perpetuum tanquam dominis et patronis servitia que de feodis que ad eum et abbatiam suam pertinent predecessoribus nostris debebantur Si vero contigerit abbatem Glaston decedere dum episcopatus Bathon vacaverit et in manu nostra vel heredum nostrorum extiterit aliquo tempore nos et heredes nostri custodiam habebimus eiusdem abbatie cum omnibus pertinentiis suis quamdiu episcopatus Bathon vacaverit sicut aliarum abbatiarum regni nostri vacantium et ratione predicti episcopatus vacantis cum assensu nostro abbas interim ibi preficietur Set quotiens abbatiam illam vacare contigerit non vacante sede episcopali custodiam et ordinationem illius abbatie idem episcopus et successores sui habebunt libere et pacifice in perpetuum ut patroni ita quod in ordinatione ipsius ecclesie de abbate vel abbatis electione nec ante nec post electionem abbatis regius requiretur assensus set totum ad episcopum quicumque fuerit pertinebit Nos itaque et heredes nostri predictum patronatum abbatie Glaston et pertinent[iarum] tanquam liberam elemosinam nostram predicto episcopo et successoribus suis in perpetuum contra omnes homines warantizabimus Quare volumus et firmiter precipimus quod predictus episcopus et successores sui predictum patronatum abbatie Glaston cum custodia et ordinatione eiusdem cum vacaverit habeant et teneant in liberam elemosinam libere quiete pacifice integre plenarie cum omnibus pertinentiis suis dignitatibus libertatibus et liberis consuetudinibus suis in perpetuum sicut predictum est Hiis testibus dominis Ricardo Dunelmens et Waltero Karleolen episcopis Huberto de Burgo comite Cant Philippo de Albiniaco Radulfo filio Nicholai et Godefrido de Craucumb senescallis nostris et aliis Dat per manum venerabilis patris Rad[ulfi] Cicestr episcopi cancellarii nostri apud West[monasterium] xxv die Aprilis anno regni nostri decimo nono