Charter Document - 03391014
| Charter Number: | 03391014 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Royal |
| Charter Type(s): | Royal Assent |
| Date: | 1214 |
| Date type: | Internal, Calendar, Regnal |
| Resource Link(s): |
Reference Document for this Embedded Document |
Charter:
Iohannes dei gratia rex Anglie dominus Hybernie dux Normannie et Aquitanie comes Andegavie archiepiscopis episcopis abbatibus prioribus comitibus baronibus iusticiis vicecomitibus prepositis et omnibus ballivis et fidelibus suis salutem Sciatis nos pro amore dei et pro salute anime nostre et animarum nostrorum et de consilio venerabilium domini Nicholai Tusculan episcopi apostolice sedis legati domini Stephani Cant archiepiscopi totius Anglie primati et sancte Romane ecclesie cardinali Willelmi London Petri Wynton Eustachii Elien Egidii Hereforden Hugonis Lincoln episcoporum abbatum comitum baronum et aliorum fidelium nostrorum et magnatum regni nostri ad petitionem venerabilis patris Ioscelini Bathon et Glaston episcopi unioni Bathon et Glaston ecclesiarum a sede apostolica facte nec non ordinationi ecclesie Glaston et possessionum ad eandem ecclesiam pertinentium determinate inter bone memorie Savaricum Bathon et Glaston episcopum et monachos prefate ecclesie per venerabilem patrem Eustachium Eliens episcopum et felicis recordationis Sampsonem abbatem sancti Edmundi et Galfridem priorem sancte Trinitatis Cantuar de assensu partium auctoritate apostolica postmodum facta et confirmata assensu nostro et favore perpetuum probavisse benignius et probare et hoc presenti carta nostra duximus protestanda Testibus Willelmo Marescall comite Penbrok Willelmo comite Waren Saher comite Wynton Willelmo Bruer Roberto filio Walteri Iohanne Maresc cancellario nostri Apud novum templum London xxi die Novembris anno regni nostri xvi