Charter Document - 03391010
| Charter Number: | 03391010 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1240 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Gregorius episcopus servus servorum dei dilectis filiis Sancti Botulfi de Colecestr de Hetfeld Regis et de Dunmawe prioribus London diocesis salutem et apostolicam benedictionem Dilecti filii abbas et conventus de Abendon nobis exponere curaverunt quod cum Hugo rector ecclesie de Boxor Sar diocesis eos super quadam annua pensione coram decano archidiacono et precentore Exon per litteras apostolicas traxisset in causam ipsi ex eo sentientes indebite se gravari quod cum procurator eorum vellet post litis contestationem de consensu ipsorum alium procuratorem sufficientem et ydoneum constituere loco suo dicti iudices eum admittere contra iustitiam noluerunt nostram audientiam appellarunt Ideoque discretioni vestre per apostolica scripta mandamus quatinus si est ita revocato in statum debitum quicquid inveneritis post appellationem huiusmodi temere attemptatum in causa ipsa appellatione remota ratione prima procedatis iuxta priorum continentiam litterarum Alioquin partes ad eorundem iudicum remittatis examen appellantes in expensis legittimis condempnando Testes autem qui fuerunt nominati si de gratia odio vel timore subtraxerint per censuram ecclesiasticam appellatione cessante cogatis veritati testimonium perhibere Quod si non [omnes] hiis exequendis potueritis interesse duo vestrum ea nichilominus exequantur Dat Lateran x kl Augusti pontificatus nostri anno quartodecimo