Charter Document - 03391009

Noverint universi presens scriptum visuri vel audituri quod cum rector ecclesie de Offinton in dicta villa decimas garbarum trium hidarum percipere consuevisset abbate et conventu Abbend reliquas decimas garbarum de tota predicta villa provenientes percipientibus exceptis duabus portionibus decimarum garbarum de dominico dicti abbatis provenientium et exceptis decimis de hida persone et exceptis omnibus decimis de prato frussato in villa de Offinton provenientibus quas memoratus rector percipere consuevit exceptis etiam secentis garbis quinquaginta et viginti duabus quas dictus rector de decimis garbarum in dicta villa ad monachos pertinentium percipere consuevit tandem inter predictos abbatem et conventum et ecclesie memorate rectorem convenit quod dicti abbas et conventus decimas garbarum dictarum trium hidarum percipient exceptis decimis viginti acrarum dicto rectori a domino Gilberto de Columbariis in campis de Offinton pro cantaria capelle sue de Hordewelle assignatarum quarum scilicet x iacent in uno campo et x in alio prout in carta quam idem rector ecclesie de Offinton habet de dicto Gilberto continetur salvis etiam in omnibus dicto rectori decimis garbarum de prato frussato in villa de Offinton percipiendarum Convenit etiam quod dicti abbas et conventus a prestatione secentarum quinquaginta et viginti duarum garbarum una cum convivio quod sepedictus rector die perceptionis dictarum garbarum a predictis monachis percipere consuevit liberarentur Solvent autem dicti abbas et conventus rectori qui pro tempore fuerit in dicta ecclesia septem marchas argenti annuas perpetuo ad quatuor anni terminos scilicet ad festum beate Marie in Marcio xx solidos et ad festum sancti Iohannis Baptiste duas marcas et ad festum sancti Michaelis duas m[archas] et ad Natale domini xx solidos Et predictus rector de quadraginta denariis quod dicti monachi ad cantariam capelle de Hordewelle conferre consueverunt acquietabit