Charter Document - 03390120
| Charter Number: | 03390120 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1246 |
| Date type: | Internal, A.D., Feast |
| Resource Link(s): |
|
Charter:
Universis Cristi fidelibus presentes literas visuris vel audituris R [miseratione divina Sar episcopus salutem eternam] in domino Cum coram nobis auctoritate ordinaria cognoscentibus [mota esset questio] inter Philippum [rectorem] ecclesie de Hyneton ex parte una et W priorem Sancti Swithuni [Wynton et eiusdem] loci conventum [ex] altera parte super [decimis] de dominico dictorum prioris et conventus in Hyneton quas dicebat dictus rector de iure communi ad dictam ecclesiam suam pertinere tandem partibus predictis quo ad dictas decimas ordinationi nostre se supponentibus interveniente etiam expresso consensu venerabilis patris W Wynton episcopi patroni dicte ecclesie de Hyneton nos paterna affectione paci et tranquillitati partium predictarum et eorundem successorum cum sopita materia questionis inperpetuum proficere cupientes ordinavimus in hunc modum quod decime predicte quas dicti prior et conventus clericis suis successive dare et ipsi clerici percipere consueverunt in posterum in ipsius [rectoris] usus et suorum in eadem ecclesia libere et inperpetuum cedant successorum Ita tamen quod prefatus rector et [sui] successores qui pro tempore fuerint solvent annuatim inperpetuum dictis priori et successoribus suis nomine [dictarum] decimarum quadraginta solidos sterlingorum sine difficultate apud Hynet[on] ad duos anni terminos [in] festo sancti Michaelis viginti solidos et in festo Pasche viginti solidos Subiecerunt autem se pariter iurisdictioni nostre quod possimus eas omni ecclesiastica cohertione si necesse fuerit compellere tam ad dicte ordinationis observationem quam ad dampnorum et expensarum refusionem si que contigerit aliquam predictarum partium incurrere ratione predicte ordinationis non servate Et quo magis inter partes predictas et ipsarum successores plena et perpetua pax firmetur [hanc] presentem ordinationem presenti scripto cum sigilli nostri appositione una cum sigillis prefati Winton episcopi et partium duximus roborandam Hiis testibus magistro Roberto de Carvile thesaurario Sar domino Nicholao archidiacono Sar domino Hervico filio Willelmi senescallo nostro Rogero de Middelton capellano nostro Willelmo de Castell Galfrido de Otteford clericis nostris et aliis Dat apud Gymminges anno domini millesimo CCXLVI [in] vigilia beati Laurentii