Charter Document - 03390114
| Charter Number: | 03390114 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, Calendar, Episcopal |
| Resource Link(s): |
|
Charter:
Robertus dei gratia episcopus Sarr dilectis filiis priori et conventui sancte Trinitatis de Walingeford salutem gratiam et benedictionem Debitum cure pastoralis nos admonet subditis nostris et eis maxime quos vita religiosa reddit commendatos tam in temporalibus quam in spiritualibus secundum quod dederit nobis deus pietate providere paterna Cum igitur spiritualibus iuxta votum professionis vestre libentius et quietius debeatis et possitis intendere si circa temporalia que possidetis vobis et domui vestre securitas plena paretur vos in hac parte prospectione paterna duximus prosequendos Hinc est quod collationes possessionum et bonorum omnium vobis a devota et pie fidelium munificentia in diocesi nostra factas que propriis vocabulis duximus exprimenda videlicet ecclesiam de Westhenrede cum omnibus pertinentiis suis in villa de Walingeford ecclesiam sancte Trinitatis ecclesiam sancte Marie ecclesiam sancti Martini ecclesiam sancti Iohannis in villa de Molesford duas partes decime dominici ex donatione Emme de Chausy totam decimam totius dominici de Kerswell totam decimam totius dominici Manasseri de Sandervill in villa de Suthmorton totam decimam totius dominici Mathei de Sottewell totam decimam totius dominici Galfridi Camerarii in villa de Northinton totam decimam de duabus hydis terre de dominico Basset de feodo de Appelton in villa de la Brodeton pro quibus decimis matrici ecclesie de Henton infra cuius parochie limites site sunt solvetis duas libras cere annuas in vigilia Assumptionis beate Virginis sicut instrumentum nostrum super hoc confectum testatur totam decimam totius dominici Ricardi de Coupl[a]nde in villa de Dunitun et decimam molendini in eadem villa totam decimam totius dominici de feodo Pipard in parochia de Swindon totam decimam feni totius dominici Milonis filii de Turaldi in villa de Eston redecimationes de dominico Sampsonis Foliot in villa de Dreycot redecimationes de dominico Radulfi Chanu in villa de Redburn octo solidos de decimis dominici Henrici de Erleya auctoritate pontificali confirmamus statuentes quod omnia supradicta pacifice et inconcusse possideatis temporibus perpetuis et futuris salvis in omnibus iure auctoritate et dignitate Sarr ecclesie nostra et successorum nostrorum et archidiaconi in cuius archidiaconatu constitute sunt ecclesie memorate In huius rei testimonium presens scriptum sigillo nostro duximus muniendum Dat duodecimo kl Aprilis pontificatus nostri anno quartodecimo