Charter Document - 03390106
| Charter Number: | 03390106 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1238 |
| Date type: | Internal, A.D., Calendar |
| Resource Link(s): |
|
Charter:
Memorandum quod cum inter dominum Robertum Sar episcopum ex parte una et Henricum abbatem et conventum Syreburn ex altera super amerciamentis provenientibus de pane et cervisia venditis contra assisam de hominibus predicti abbatis infra libertates predicti episcopi existentibus in hundredis de Syreburn et de Bemenistr discordia fuisset suscitata asserente episcopo prefato huiusmodi amerciamenta ad ius suum pertinere et se et predecessores suos in eorum seisina diu et in pace extitisse predicto abbate penitus contrarium astruente tandem mediantibus discretis viris domino Roberto decano et capitulo Sar inter partes huiusmodi amicabilis compositio intercessit Videlicet quod prenominato episcopo pro se et successoribus suis de assensu capituli Sar omnia amerciamenta de pane et cervisia contra assisam venditis et de cervisia male braciata de omnibus hominibus in terris et feudis predicti abbatis infra hundreda predicta existentibus ius petitionem et saisinam si quam habuit dicto Henrico abbati et successoribus suis futuris et perpetuis temporibus remittente et quieta clamante idem abbas promisit et se et successores suos per cartam suam et conventus sui obligavit quod pro hac remissione et quieta clamatione predicto episcopo et successoribus suis dimidiam marcam annuam ad Pascha in perpetuum persolvet apud Syreburn Et ut hec compositio futuris et perpetuis temporibus rata et stabilis perseveret confecta sunt inde inter partes duo scripta quorum unum signatum sigillis predictorum episcopi et capituli penes predictos abbatem et conventum in perpetuum remanebit et aliud signatum sigill[o] predictorum abbatis et conventus penes dictum episcopum et capitulum in perpetuum remanebit Hiis testibus dominis Roberto decano Rogero precentore Ada cancellario Iohanne thesaurario Sar Egidio archidiacono Berksyr Stephano archidiacono Wilthesyr Hugone abbate Abbedesbir Henrico de Sancto Edmundo Willelmo de Cumb Ricardo de Cnoll Petro de Cumb et aliis Datum apud Syreburn per manus Henrici Isumberd monachi xvi kalendas Septembris anno gratie MCCXXXVIII