Charter Document - 03390103
| Charter Number: | 03390103 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1244 |
| Date type: | Internal, A.D., Calendar |
| Resource Link(s): |
|
Charter:
Acta pridie kln Iunii anno gratie MCC quadragesimo quarto in capitulo Sar in presentia domini Roberti episcopi Roberti decani Radulfi cancellarii Henrici thesaurarii Egidii archidiaconi Berkscir Stephani archidiaconi Sar Nicholai subdecani Rogeri succentoris Henrici archidiaconi Baton Helye de Deram Radulfi de Eboraco Galfridi penitentiarii Walteri de Wyle Thome de Wile Ricardi de Binam Galfridi de Bedeford Roberti Foliot Iohannis Vernun Petri de Cumba Thome de Ebbelesburn Videlicet quod dominus episcopus tradidit dictis decano et capitulo perpetuam custodiam novi pontis et capelle et omnium reddituum et rerum pertinentium ad eundem pontem vel que poterunt in futuro ex aliquo adquisito vel aliquo casu ad eundem pertinere Et super hoc plenam et plenariam fecit saisinam dictis decano et capitulo dictis die et loco Omni eodem modo fecit dictis die et loco dictus episcopus dictis decano et capitulo in perpetua custodia et saisina hospitalis sancti Nicholai Sar et omnium reddituum et bonorum ad idem pertinentium vel que eidem in futuro poterunt accrescere quocumque nomine censeantur Dictis autem die et loco suscepit dominus Nicholaus subdecanus Sar a domino Roberto decano et capitulo custodiam dicti hospitalis et dominus Walterus de Wile custodiam dicti pontis ita quod post decessum eorum naturalem vel civilem liceat domino decano qui pro tempore fuerit et capitulo alios custodes dictorum hospitalis et pontis substituere Et hoc ita inconcusse observabitur in civitate Sar amodo et usque in sempiternam Et in huius rei testimonium dictus episcopus et capitulum huic scripto sigilla sua apposuerunt