Charter Document - 03390102

Universis Cristi fidelibus ad quos presens scriptum pervenerit Robertus dei gratia Sarum episcopus salutem in domino Cum de pastoralis officii sollicitudine teneamur cultum dei in ministrantium ei numero ampliare et ipsis ministrantibus competenter et honeste necessaria in exterioribus providere cum scriptum sit non alligabis os bovi trituranti considerantes tenuitatem et insufficientiam commune ecclesie Sarum similiter et commune ecclesie Wellen[sis] quam in deo diligimus et promovere desideramus propter quas canonici dictarum ecclesiarum et vicarii necessitate compulsi officii sui ministerium in dictis ecclesiis eis deputatum plerumque relinquunt et alias sibi moram et prehendi nationem provident cupientes tali defectui et verecundie misericorditer obviare et pie subvenire de ecclesia de Witechirche de assensu venerabilis fratris nostri Ioscelini Bathoniensis episcopi dicte ecclesie patroni sicut patet per instrumentum inter eum et dominum Galfridum de Maundevill super patronatu eiusdem confectum et de assensu capituli ecclesie Wellensis et de interventu et humili supplicatione et assensu decani et capituli Sarum qui sibi ius in eadem ecclesia aliquando vendicabant et pensionem sexaginta solidorum inde percipere consueverunt ad honorem dei et beate Marie et beati Andree dictarum ecclesiarum patronorum sic ordinamus et ordinationem ipsam auctoritate pontificali confirmamus Videlicet quod dicta ecclesia de Witechirch post decessum vel cessionem magistri Hugonis de Greneford rectoris eiusdem libera sit et quieta omnino ab annua pensione sexaginta solidorum quam decanus et capitulum Sarum inde prius percipere consueverunt et quod dicta ecclesia tunc de perpetuo vicario per nos et successores nostros ad presentationem domini Bathoniensis et successorum suorum canonice instituend[o] perpetua successione ordinetur cui cum omnibus sinodalibus trium solidorum duplicatis annuatim in recompensationem iuris archidiaconali et aliis omnibus ordinariis consuetis ipsi ecclesie imminentibus animarum cura servitium capellarum de Staunton et de Chydiock per unum capellanum et clericum idoneum et servitium capelle de Merswd per unum capellanum et clericum idoneum et totius parochie sollicitudo spiritualis incumbat quatenus vicarii officio imminet exequenda in qua vicaria ius presentandi ad eandem domino Bathoniensi et suis successoribus quotienscumque vacaverit in perpetuum reservamus Nomine autem perpetue vicarie percipiet in perpetuum perpetuus vicarius eiusdem ecclesie omnes obventiones et oblationes totius alta logii cum omnibus minutis decimis et decimis molendinorum totius parochie exceptis decimis feni totius parochie et minutis decimis de curia abbatis de Abbedesbur in Parva Wditun et de curia utriusque capituli Sarum et Wellensis in dicta parochia Percipiet etiam vicarius omnes decimas maiores de toto dominico ecclesie preterquam de villenagio Item etiam habebit curtum boscum qui vocatur Havethull cum prato de Casiham pro feno bosco husbote et heybote Item habebit quadraginta denarios annuos de capella Willelmi de Charteray et duos solidos annuos de capella [de] Cernemue Item habebit pro manso mansum et duas acras terre que Herebertus tenuit et mansum quod tenuit Rogerus Wodhorn cum curtilagiis adiacentibus eisdem Item habebit terram que vocatur Bury et terram que vocatur Bicroft ad agriculturam Habebit etiam servitia et consuetudines de domibus et curtilagiis que tenent Thomas Suillard et Willelmus Crockar et de terra de Lidlegh quam tenet Thomas mercator de quibus terris dicti tenentes nullum redditum reddunt nisi ad lumen ecclesie Que omnia estimatione communi viginti marcarum valentiam indubitanter attingunt et ea que sine omni accrescendi iure vicarius qui pro tempore fuerit perpetuo possidebit cum communa pasture in bosco de Merswde et alibi capellanis predicte ecclesie per Nicholaum de Mariscis aliquando collata Ad hec cum predictus magister Hugo de Greneford rector predicte ecclesie illam de patrimonio suo in multis ditaverit videlicet in septem viginti acris bosci sine quibus rector ipsius ecclesie in pastura et aliis competenter sustentari non posset item in tenemento Petri de la Bere et undecim solidis annuis de dicto tenemento provenientibus et preterea in aliis multis ad proprietatem dicte ecclesie pertinentibus extra quorum possessionem fuerat aliquando ecclesia predicta nos in recompensationem tot laborum et sumptuum de consensu venerabilis fratris nostri Ioscelinus Bathononensis episcopi dicte ecclesie patroni concedimus et ordinamus quod in dicta ecclesia sit unus capellanus perpetuus qui perpetuo in eadem plenum faciat servitium pro benefactoribus utriusque ecclesie et pro fidelibus defunctis et habeat ad sui sustentationem portiones subscriptas videlicet omnes decimas maiores et minores de dominico abbatis de Abbedesbur in Parva Wodeton excepta decima feni que valent annuatim duas marcas salva una marca solvenda eidem abbati annuatim sicut continetur in compositione inter dictum abbatem et rectorem ecclesie de Witchurch confecta item viginti solidos annuos de capella de Wodeton Ade militis item undecim solidos de redditu Petri de la Bere cum omni emolumento ex dicto tenemento proveniente preter decimas et preter redditum qui inde debetur annuatim ad lumen ecclesie predicte item quatuor solidos provenientes de decimis quatuor acrarum in villa de Kyngeston Radulfi Russelli Habebit etiam idem capellanus mansum quod magister Hugo Greneford emit a Rogero le Sumeter reddendo inde annuatim ad lumen ipsius ecclesie duos solidos Volumus autem et ordinamus ut idem capellanus iuret fidelitatem vicario qui pro tempore fuerit de indemnitate eiusdem ecclesie pro posse suo conservanda et quod ipse ius ipsius ecclesie vel vicarii in nullo diminuet vel defraudabat nec ab aliis quantum in eo est diminui vel defraudari sustinebit Item et cum idem capellanus de bonis ipsius ecclesie sustentetur volumus et ordinamus quod intersit cum vicario servitiis ipsius ecclesie auxilium et consilium suum eidem in quantum poterit quoad regimen ipsius ecclesie et parochie salvo plenarie servitio defunctorum impendendo Presentationem autem huius capellani quotienscumque cesserit vel decesserit domino Bathoniensi et successoribus suis tanquam patronis per hanc ordinationem nostram inperpetuum reservamus De decimis autem terris pratis pascuis reditibus edificiis et hominibus servitiis et aliis quibuscumque possessionibus et rebus residuis ad dictam ecclesiam spectantibus taliter ordinando providimus et providendo decrevimus ordinandum et ordinamus quod decanus et capitulum Sarum et per eos ecclesia Sarum unam medietatem omnium predictorum alteram vero medietatem omnium predictorum pro equalibus portionibus decanus et capitulum Wellensis et per eos ecclesia Wellensis ad augmentum commune sue que in utraque predictarum ecclesiarum nimis tenuis hactenus exstitit et exilis habeant et possideant futuris et temporibus perpetuis pleno iure Portio vero quam per hanc ordinationem nostram assignamus decano et capitulo Sarum ad augmentum commune sue hec est videlicet aula que fuit persone cum tota curia et gardino ex parte boreali rivuli cum Winesgore et Garsheg item una medietas totius dominici dicte ecclesie boscorum pascuorum [omnium] libertatum liberarum consuetudinum et aliarum rerum omnium que ad personam dicte ecclesie pertinere consueverunt item terre redditus et servitia subscriptorum hominum cum omnibus pertinentiis suis et emolumentis scilicet unius virgata terre cum pertinentiis suis quam tenent Edwardus de Putte Oliverus de Putte Willelmus de Pondeleshurst item et quatuor dimidiarum virgatarum terre quas tenent Henricus de Cruce Willelmus de Cocwell Hugo de Rihull Folkina de Rihull item et duorum ferlingorum terre que tenent Hunfridus de Rihull et Osbertus Wateman item et quinque coteriarum quas tenent Rogerus tinekar Adam Segar Aylwardus Suel Wymarc lotrix et Ricardus bercarius preterea et unius dimidie virgata terre quam tenet Thomas mercator ad hec decime de Lidlegh item decima totius terre Giliberti de Anestie item tenentium de Woditon Abbatis item Ricardi de Cumb item de Cumb woldeshee de la Wyle de terra Iohannis Payne item de la Saghe de terra Iohannis et Hamonis de Cinnoc de terra Nicholai de Mar[iscis] cum decimis omnibus pertinentibus ad capellam de Merswod et cum omnibus decimis ex parte boreali ecclesie de Witchurch et cum decima terre Petri de la Ber[e] et Willelmi de Greyleshe et de Hindescumb et sic versus orientem cum decimis debitis de Pillesdon Portio vero quam similiter per hanc ordinationem nostram decano et capitulo Wellensis et per eos ecclesie Wellensis ad augmentum commune sue assignamus hec est videlicet tota bertona que consuevit esse persone cum toto gardino inter cimiterium et bertonam predictam item curtillagium retro dictam bertonam item gardinum ex orientali parte bertone usque ad rivulum item altera medietas totius dominici dicte ecclesie boscorum pascuorum omnium libertatum liberarum consuetudinum et aliarum rerum omnium que ad personam dicte ecclesie pertinere solent item terre redditus et servitia subscriptorum hominum cum omnibus pertinentiis suis et emolumentis scilicet unius virgata terre cum pertinentiis quam tenent Durandus de Butte Rogerus de Butte et Godelina de Butte item et unius virgata terre quam tenet Ricardus filius Osmundi item duarum dimidiarum virgatarum terre quas tenent Iohannes de Huneshull et Hunfridus de Rihull item et quatuor ferling[orum] terre que tenent Hamundus de Rihull Willelmus Belle Cristina de Rihull [et] Willelmus King item et septem coteriarum quas tenent Radulfus de Manescumb Ricardus Bissop Iohannes Ridar Wymarc relicta Turstani Galfridus Ridar Wareman [et] Robertus Cuthop item et decime de Cydiok de Stanton de la Butte de Rihull Henrici tenent[is] ecclesie Thome mercatoris Ricardi filii Osmundi Galfridi de la Burne et tenentium suorum Iohannis de Bover item decime de Manescumb de Mortecumb de Cochull et Willelmi Bissop de Witchurch item de Huneshull de Baclesheg de la Putte de Forestaresheg Concedimus autem per hanc ordinationem nostram auctoritate pontificali statuentes ut predicta capitula de Sarum et de Wellensis per se vel suos statim cedente vel decedente magistro Hugone de Greneford persona predicte ecclesie de Witchurch supradictas portiones sibi in dicta ecclesia assignatas nostra vel successorum nostrorum vel offic[ialium] vel loci archidiacon[orum] vel officialium suorum auctoritate ulterius minime requisita libere ingrediantur et possideant inconcusse Licet autem predicta ecclesia de Witchurch cum pertinentiis suis nobis lege dioecesana in episcopalibus et loci archidiacono in archidiaconatibus sit subiecta et nostre in omnibus et ipsius ordinarie iurisdictionis existat nos tamen ex certis causis de assensu decani et capituli Sarum et loci archidiaconi venerabilem fratrem Bathoniensis episcopum et successores suos decanum et capitulum Wellensis quoad omnia ipsos in dicta parochia de Witchurch contingentia ab omni nostra et successorum nostrorum et archidiaconorum loci et officialium nostrorum et suorum similiter ministrorum subiectione prorsus iurisdictione et cohertione liberos penitus inperpetuum in omnibus esse volumus et exemptos et eos per hanc nostram ordinationem omnino eximimus Et si forte super decimis vel rebus aliis ad Saresbur sive Well[ens]em decanos vel eorum capitula in dicta parochia pertinentibus quamlibet inter quoscumque suboriri contigerit questionem per iudices communiter eligendos si fieri poterit alioquin per competentem iudicem superiorem neutri parti suspectum questio sopiatur in omnibus aliis quoad res seu personas ecclesiasticas secularesve nostra et successorum nostrorum et loci archidiaconi et successorum suorum auctoritate et dignitate et iurisdictione servata et per omnia iure salvo Ut autem hec nostra provisio et ordinatio per omnia et singula perpetue firmitatis robur optineat eam de assensu decani et capituli Sarum auctoritate pontificali duximus confirmandam Hanc vero ordinationem nostram venerabili fratri nostro Ioscelinus Bathoniensis episcopo et Sarum et Wellensis capitulis recitatam et in omnibus et singulis approbatam ad perpetuam memoriam scriptis duximus commendandam quibus idem venerabilis frater noster Ioscelinus Bathoniensis episcopus et capitula predicta una cum sigillo nostro ad perpetuum ipsius ordinationis robur et testimonium sigilla sua apposuerunt Actum Sarum in festo Natalis domini anno incarnationis domini millesimo ducentesimo quadragesimo et pontificatus nostri anno duodecimo