Charter Document - 03390094

Omnibus sancte matris ecclesie filiis ad quos presens scriptum pervenerit Robertus miseratione divina ecclesie Sar minister humilis salutem in domino Cum olim recolende memorie R predecessor noster missam beate Marie que in ecclesia Sar cotidiano more celebratur ministrorum obsequio [ut que non nisi unius presbiteri et unius clerici dumtaxat ministerium habuit assignatum] conspiceret non minus indecenter quam graviter destitutum non imprudenter attendens quod non solum ad obsequium humanum verum etiam ad divinum innitant temporalia stipendia servitores quo magis cultus gloriose virginis per suam industriam futuris et perpetuis temporibus susciperet incrementum capituli sui accedente consensu providendo statuit et statuendo providit quod duodecim clerici de choro successive assumendi omni die et preterea succentor cum comode poterit misse intersint memorate quorum quilibet per manus dicti succentoris procuratoris ad hoc deputati qui pro tempore fuerit denarium diurnum recipiet pro mercede dicto succentore tantumdem recipiente statuens quod fructus ecclesie de Bremel post mortem magistri Ricardi tunc rectoris cederet ad predictum denarium diurnum redigendum salva vicaria competenti quam sibi et successoribus suis reservavit ordinandam ac libere conferendam Prefato igitur magistro dicte ecclesie rectore rebus humanis exempto cum ad nos fuisset ipsius vicarie ordinatio et collatio devoluta nos eam Roberto de Beuveir presbitero viro sicut creditur provido et honesto contulimus intuitu caritatis capitulo nostro assentiente de eadem vicaria taliter ordinantes quod idem R et successores sui qui pro tempore fuerint vicarii de iam dicte ecclesie fructibus annuas viginti quinque marcas in festis Nativitatis beate Iohannis beati Michaelis Nativitatis dominice et Pasche pro equalibus portionibus succentori Sar qui pro tempore fuerit plenarie persolvant in subsidium denarii supradicti residuo fructuum domibus possessionibus terris et quibuscumque aliis pertinentiis ad dictam ecclesiam spectantibus sibi et successoribus suis perpetue vicarie nomine retinendis Sustinebunt autem vicarii qui pro tempore fuerint omnia onera tam in officiis matricis ecclesie et capellarum quam episcopalibus et archidiaconalibus et aliis consuetis ecclesie incumbentia supradicte extraordinariis si qua forsitan iminebunt pro rata dictarum viginti quinque marcarum inter succentorem Sar et dictum vicarium partiendis Ut autem hec ordinatio nostra robur optineat perpetue firmitatis eam duobus scriptis in modum cirograffi confectis quorum unum in thesaur[aria] Saru aliud penes vicarium ecclesie de Bremel residebit fecimus commendari eaque nostri sigilli appositione una cum sigillo capituli nostri duximus muniendum Hiis testibus domino Roberto decano Sar magistro Rogero precentore Sar magistro Radulfo cancellario Sar domino Henrico de Lexenton thesaurario magistro Egidio archidiacono Berkshir magistro Radulfo de Eboraco domino Rogero succentore magistro Roberto de Wychamton domino Iohanne Vernon domino Rogero Pik domino Rogero de Wilton et multis aliis