Charter Document - 03390089
| Charter Number: | 03390089 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1236 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Robertus miseratione divina Sarum ecclesie minister humilis salutem eternam in domino Ad universitatis vestre notitiam volumus pervenire nos volentes gratiam ab illustri rege Angl[ie] Henrico filio regis Iohannis venerabili predecessori nostro Ricardo tunc Sarum episcopo et successoribus suis pie et laudabiliter factam de ammerciamentis decani et omnium canonicorum ecclesie Sarum et omnium hominum suorum et terrarum et feodorum eorundem et communie sue coram iusticiariis itinerantibus provenientibus et etiam de catallis fugitivorum suorum et omnium hominum suorum qui pro delicto suo vitam vel membrum debeant amittere vel fugerint et iudicio stare noluerint vel aliud quodcumque delictum fecerint pro quo debeant catalla perdere que ad dominum regem vel heredes suos vel ad vicecomites vel constabularius vel forestarios vel ad alios ballivos suos pertinere possent in pios usus convertere ipso domino rege affectante decano et capitulo nostro consentiente et approbante pro salute anime nostre et successorum nostrorum dedisse concessisse et hac presenti carta nostra confirmasse in perpetuum pro nobis et successoribus nostris omnia prefata ammerciamenta et catalla sicut predictum est fabrice ecclesie Sarum et ad sustentationem et conservationem eiusdem fabrice adeo integre et libere sicut memorato Ricardo episcopo et successoribus suis per cartam ipsius domini regis Henrici sunt concessa Ita quidem quod predicta ammerciamenta et catalla per decanum et capitulum Sarum salvo colligantur et ad predictos usus sine difficultate liberentur vel demum per episcopum qui pro tempore fuerit si predicti decanus et capitulum negligentes et remissi inveniantur salvo colligantur et in prefatos usus tradantur Ita etiam quod nullus canonicus in dignitate vel extra constitutus cum executio predictorum fuerit facienda subterfugiat vel occasiones querat quominus predicta executio compleatur Et in huius concessionis maiorem certitudinem die veneris proxima ante Cathedram sancti Petri pontificatus nostri anno septimo unam marcam argenti de predictis ammerciamentis et catallis receptam in maiori ecclesia Sarum super maius altare gratis et liberaliter obtulimus tunc ibidem presentibus domino Willelmo decano magistris Rogero precentore Roberto cancellario Willelmo archidiacono Bercsir Adam sub decano Rogero succentore Roberto de Lexinton magistris Nicholao de Wadingh Radulfo de Gnovishal tunc offic[iali] Radulfo de Ebor Thoma de Eblesborn Ricardo de Knoll Henrico Tessun Elia de Derham Galfrido Penitenciarii Henrico de Sancto Edm[undo] Stephano de Ma[m]mecestr Willelmo de Len dominis Willelmo de Cumbe et Elia Ridel eiusdem ecclesie canonicis Et in huius rei robur et testimonium presentem cartam sigillo nostro fecimus communiri Datum apud Potern per manum Walteri de la Wyle capellani nostri tertio decimo kalendas Marcii pontificatus nostri anno septimo