Charter Document - 03390083

Omnibus Cristi fidelibus ad quos presens scriptum pervenerit Robertus dei gratia Sar episcopus salutem in domino Ne beneficia que a Cristi fidelibus pio affectu et affectuosa pietate locis religiosis et viris in eis iugem deo prestantibus famulatum misericorditer impenduntur sive processu temporum sive malignantium versutia possint in posterum perturbari episcopali decet eos prospectione et protectione communiri Attendentes igitur fervorem religionis dilectorum nobis in Cristo filiorum abbatis et conventus Rading et hospitalitatis gratiam peregrinis et advenis et omnibus caritatis beneficium postulantibus impensam eisdem monachis concedimus et auctoritate pontificali confirmamus in ecclesia beate Marie Rading omnes decimationes plene et integre tam de blado quam de fabis et pisis et agnis et fenis et molendinis ad eandem ecclesiam pertinentes ut eas in proprios usus secundum ordinationem domus sue convertant omnes vero fructus et obventiones residuas ad eandem ecclesiam pertinentes quicumque pro tempore in eadem ecclesia ad presentationem eorundem monachorum a nobis vel successoribus nostris perpetuus fuerit vicarius institutus percipiet reddendo prefatis monachis inde annuatim lx solidos et onera episcopalia et archidiaconalia et cetera usitata et consueta quantum ad vicariam suam pertinet sustinendo Concedimus etiam et auctoritate pontificali confirmamus eisdem monachis in ecclesia beati Egidii Rading omnes decimationes plene et integre tam de blado quam de fabis et pisis et agnis et fenis et molendinis ad eandem ecclesiam pertinentes ut eas simili modo in proprios usus suos convertant omnes vero fructus et obventiones residuas ad eandem ecclesiam pertinentes quicumque pro tempore in eadem ecclesia ad presentationem eorundem monachorum a nobis vel successoribus nostris perpetuus fuerit vicarius institutus percipiet reddendo prefatis monachis inde annuatim xl solidos et onera episcopalia et archidiaconalia et cetera usitata et consueta quantum ad vicariam suam pertinet sustinendo Concedimus quoque et episcopali auctoritate confirmamus eisdem in ecclesia de Weregrave omnes decimationes de blado et fabis et pisis et fenis ad eandem ecclesiam pertinentes omnia vero alia ad eandem ecclesiam pertinentia quicumque in eadem ecclesia ad presentationem eorundem a nobis vel successoribus nostris perpetuus fuerit vicarius institutus percipiet reddendo inde annuatim prefatis monachis xx solidos et onera episcopalia et archidiaconalia et cetera usitata et consueta quantum ad vicariam suam pertinet sustinendo Concedimus insuper et pontificali auctoritate confirmamus eisdem in ecclesia de Bienham omnes decimationes de blado ad eandem ecclesiam pertinentes et de dominicis fenis exceptis decimis de fabis et pisis et aliis leguminibus quas decimas videlicet de fabis et pisis et aliis leguminibus et omnia alia ad eandem ecclesiam pertinentia quicumque in eadem ecclesia perpetuus vicarius a nobis vel successoribus nostris ad presentationem eorundem monachorum fuerit institutus percipiet reddendo inde annuatim memoratis monachis unam libram thuris et onera episcopalia et archidiaconalia et alia usitata et consueta quantum ad vicariam suam pertinet sustinendo Concedimus etiam et episcopali auctoritate confirmamus eisdem monachis in ecclesia de Chaus[eia] totam decimam de dominico suo et de feno de Lolindune et omnes [decimas] de blado et fabis et pisis ad eandem ecclesiam pertinentes preter decimas de blado de Molesford quas decimas videlicet [de blado] de Molesford et omnia alia ad eandem ecclesiam pertinentia percipiet perpetuus vicarius a nobis vel successoribus nostris ad presentationem eorundem monachorum in eadem ecclesia institutus reddendo inde prefatis monachis [annuatim] iiii marcas argenti et sustinendo onera episcopalia et archidiaconalia et cetera usitata et consueta quantum ad vicariam suam pertinet Concedimus quoque et episcopali auctoritate confirmamus eisdem monachis in ecclesia de Tighelhurst omnes decimationes de blado et fabis et pisis et molendinis eiusdem parrochie et omnes decimationes de feno eiusdem parrochie excepto feno de la Thele quam quidem decimam feni de la Thele et omnia alia ad eandem ecclesiam pertinentia percipiet perpetuus vicarius ad eorum presentationem a nobis vel successoribus nostris in eadem ecclesia institutus onera episcopalia et archidiaconalia et cetera usitata et consueta sustinendo Concedimus insuper et pontificali auctoritate confirmamus eisdem monachis in ecclesia de Pangeburn omnes decimationes maiores et minores de curia sua de la Bere et xxxii solidos et octo denarios per manum persone ad presentationem eorundem a nobis vel successoribus nostris in eadem ecclesia institute annuatim percipiendos Concedimus etiam et episcopali auctoritate confirmamus eisdem monachis ecclesiam sancti Laurentii de Rading cum omnibus obventionibus et pertinentiis suis ad usus pauperum dei in hospitali quod iuxta eandem ecclesiam situm est collectorum ita quidem quod perpetuus vicarius ad presentationem eorundem a nobis vel successoribus nostris in eadem ecclesia institutus xx solidos annuatim de eisdem monachis ad indumenta sua percipiat et panem et cervisiam sicut unus monachus eiusdem monasterii et vii denarios per ebdomadam pro companagio et hospitium honestum et legata sua usque ad vi denarios supra autem quod excreverit cum monachis dimidiabat oblationes etiam suas percipiet per iiii solempnitates anni et ad opus servientis sui unum panem per diem et companagium Concessimus quoque eidem vicario et episcopali auctoritate indulsimus quia infirmis et pauperibus in prefato hospitali oportet eum curam et diligentiam impendere ut ad capitulum nisi in burgo Rading venire non cogatur set ad synodum pro statutis ecclesie audiendis semel in anno cum aliis sacerdotibus conveniat et tunc idem monachi capellano equum invenient Et si forte episcopus ad presentiam suam eundem capellanum pro excessu suo vocaverit ubi episcopus voluerit in episcopatu suo coram eo comparebit Concedimus etiam et episcopali auctoritate confirmamus eisdem monachis in ecclesia de Silhamstude xl solidos per manum perpetui vicarii a nobis vel successoribus nostris in eadem ecclesia ad presentationem eorundem instituti annuatim percipiendos et idem vicarius onera episcopalia et archidiaconalia et cetera usitata et consueta sustinebit Confirmamus etiam eisdem monachis in ecclesia sancti Rumbaldi de Walingeford iiii solidos annuos In omnibus vero oneribus que ecclesias supradictas variis de causis contingere possunt sicut vicarii vicinarum ecclesiarum pro vicariis suis respondent ipsarum vicarii respondebunt pro suis Abbas vero et conventus Rading sicut persone vicinarum ecclesiarum plenarie respondebunt pro personatibus Confirmamus etiam eisdem monachis in ecclesia de Englef[eld] unam marcam argenti per manum persone ad presentationem domini feudi institute et octo solidos in ecclesia de Cumptun et duos solidos in ecclesia de Purle et iiii solidos in ecclesia de Suleham salvo iure advocationis patronis earundem ecclesiarum videlicet de Englef et de Cumptun et de Purle et de Suleham Ut autem hec nostra concessio et confirmatio perpetue firmitatis robur optineant eas presenti carta et sigilli nostri munimine duximus roborandas salvis tamen in omnibus iure auctoritate et dignitate ecclesie nostre et nostra et successorum nostrorum et loci archid[iaconi] et successorum suorum Dat apud Wodeford xv kl Maii pontificatus nostri anno xi Hiis testibus []