Charter Document - 03390081
| Charter Number: | 03390081 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1239 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis Robertus divina miseratione Sar episcopus salutem in domino Compositionem inter dilectos filios nostros abbatem et conventum Reding ex parte una [et] T rectorem ecclesie de Englefeld et W patronum eiusdem ecclesie ex altera super annua pensione unius marce eisdem monachis a prefato rectore et successoribus suis in perpetuum prestanda et iure patronatus eiusdem ecclesie de inmediate presentando ad eandem cum vacaverit predicto patrono et heredibus suis reservato mediantibus dilectis filiis Egydio archidiacono Berksire et Willelmo officiali ipsius et aliis viris discretis initam prout in instrumentis super eadem compositione confectis plenius dinoscitur contineri sicut provide et sine qualibet pravitate a partibus est accepta pontificali auctoritate duximus confirmandam In cuius rei testimonium presens scriptum sigilli nostri appositione duximus roborandum Data apud Wodeford per manum Walteri de la Wyle cappellani et canonici nostri kl Octobris pontificatus nostri anno xi