Charter Document - 03390080
| Charter Number: | 03390080 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1239 |
| Date type: | Internal, Calendar, Episcopal |
| Resource Link(s): |
|
Charter:
Robertus dei gratia Sar episcopus dilectis in Cristo filiis Ricardo eadem gratia abbati Rading et eiusdem loci conventui salutem gratiam et benedictionem Particeps mercedis efficitur qui bonorum operum se constituit adiutorem Sane cum facultates monasterii vestri ad hospitalitatis gratiam sectandam a qua nullus cuiuscumque ordinis etatis sexus vel conditionis pro vestris beneficiis ad vos declinans se queritur alienum noverimus minime sufficere nos ut de mercede vestra participium reportemus ecclesiam de Burghildebur cum omnibus pertinentiis suis salva vicaria in eadem auctoritate nostra taxata cuius presentatio ad vos pertinebit ad hospitalitatis onera supportanda de assensu capituli nostri Sar in vestros usus proprios et perpetuos duximus concedendam auctoritate pontificali statuentes quod ecclesiam predictam cum pertinentiis salva vicaria predicta pacifice possideatis in posterum et inconcusse salvis in omnibus iure auctoritate et dignitate Sar ecclesie et nostra et successorum nostrorum et loci archidiaconorum In huius rei testimonium presens scriptum sigillo nostro duximus muniendum Hiis testibus [] Dat apud Sar xvi kalendas Septembris pontificatus nostri anno xi