Charter Document - 03390068
| Charter Number: | 03390068 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1241 - 1244 |
| Date type: | Assigned |
| Resource Link(s): |
|
Charter:
Universis sancte matris ecclesie filiis hoc scriptum visuris vel audituris Robertus miseratione divina Sar ecclesie minister humilis salutem in domino auctore Noverit universitas vestra nos collationem nobilis viri Hunfr[idi] de Boun comitis Hereford et Essexie quantum ad ipsum pertinet decimarum dominici sui de Maniggeford et Wivelesford quas ante resignationem in manu nostra factam magister Henr[icus] de Bathon ex eiusdem presentatione et nostra collatione possedit priori et conventui domus sue de Fernleya per cartam domini comitis roboratam in presentia capituli nostri inspexisse et litteras eiusdem presentationis ad easdem percepisse cum devota supplicatione ut easdem decimas ipsis in proprios usus concedere dignaremur salvo redditu xxx solidorum ex eisdem magistro et fratribus hospitalis sancti Nicholai Sar tribus terminis solvendorum apud Wivelisford prout in compositione quadam facta inter decanum et capitulum Sar et dictum hospitale sancti Nicholai ex una parte et dictum Hunfr[idum] et dictum magistrum Henricum ex altera plene continetur scilicet ad festum sancti Michaelis x solid[os] et ad festum Annuntiationis beate Marie x sol[idos] et ad Nativitatem sancti Iohannis Baptiste x sol[idos] Nos igitur bonum religionis et paupertatem eiusdem domus et secundum vires hospitalitatem attendentes dictam collationem dicti comitis auctoritate pontificali confirmamus et easdem decimas secundum formam predictam et in dicta compositione contentam dictorum capituli nostri et magistri et fratrum hospitalis sancti Nicholai Sar interveniente consensu in usus proprios habendas et in perpetuum convertendas concedimus salvis in omnibus iure auctoritate et dignitate Sar ecclesie et nostra et successorum nostrorum In cuius rei testimonium sigillum nostrum una cum sigill[is] capituli nostri prioris et conventus de Fernleg et magistri et fratrum dicti hospitalis presenti pagine fecimus apponi Hiis testibus domino Roberto decano Rogero precentore Radulfo cancellario Henrico thesaurario Rogero succentore Nicholao subdecano Sar dominis Petro de Cumb et Waltero de la Wile canonicis Sar magistris R de Bingham Rogero de la Grene Nicholao de Wichamton eiusdem loci canonicis dominis Waltero de Havenebir Iohanne Vernun Henrico Rufo militibus et multis aliis