Charter Document - 03390066
| Charter Number: | 03390066 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis Robertus miseracione divina Sarr ecclesie minister humilis salutem in domino sempiternam Cura nos admonet pastoralis et pia nos hortatur devocio ut omnes religiosos viros qui se ab huius mundi turbine transtulerunt ut deo liberius famulentur pio prosequamur affectu ipsos tamen maiori gratia credimus honorandos quorum merita novimus ampliora Cum itaque cartas confirmacionum venerabilium predecessorum nostrorum bone memorie Iocelini et Hereberti Sarr episcoporum monachis de Sireburn concessas de quibus hospitalitatis testimonium laudabiliter perhibetur inspexerimus diligenter ac per ipsas intellexerimus dictis monachis ecclesias de Aldermanneston et de Pedewrth fuisse in usus proprios confirmatas salvis in eisdem perpetuis vicariis per episcopos Sarr in posterum taxandis necnon et decimas quas habent de dono Ade de Port in villa de Sottewell eisdem in proprios usus invenimus confirmatas nos ipsorum vestigiis inherentes dictas ecclesias cum decimis memoratis eisdem monachis pontificali concedimus potestate salvis vicariis per nos et successores nostros taxandis in posterum in eisdem ut per hanc gratiam ad maius bonum teneri de cetero se agnoscant salvis etiam iure auctoritate et dignitate diocesana et consuetudine Sarr ecclesie pro nobis et nostris successoribus profuturis Hiis testibus magistro Radulfo de Hehgham cancellario Sarr domino N subdecano Sarr magistris Roberto de Carevil officiali nostro Ricardo de Bienham Rogero de la Gren Roberto de Wichampton canonicis Sarr dominis Roberto et Rogero capellanis nostris et aliis Dat apud Sarr ii non Octobris pontificatus nostri anno decimo septimo