Charter Document - 03390064
| Charter Number: | 03390064 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1240 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis presentes literas visuris vel audituris Robertus miseracione divina Sarr ecclesie minister humilis eternam in domino salutem Noverit universitas vestra nos ad presentacionem dilecti in Cristo filii Thome de Sancto Martino rectoris ecclesie de Preuschutt dilectum filium Iohannem de M[er]leberg capellanum ad perpetuam cantariam capelle castri de M[er]leberg que ad dictam ecclesiam de Preuschutt pertinet caritatis intuitu admisisse ipsumque in eadem perpetuum instituisse capellanum statuentes ut prefate capelle cantariam cum omnibus ad eam pertinentibus omnibus diebus vite sue habeat et possideat iure auctoritate et dignitate Sarr ecclesie et nostra et successorum nostrorum et prefate parochialis ecclesie iure salvis In cuius rei testimonium presens scriptum sigilli nostri munimine duximus roborandum Hiis testibus dominis Petro de Cumb senescallo nostro Waltero de la Wil capellano nostro canonicis Sarr magistris Ricardo de Benham Roberto de Wichampton Rogero de M[er]leberg dominis Petro de Wimburn capellano Willelmo de Castello clericis nostris et aliis Dat apud Rammesbir iiii idus Iunii pontificatus nostri anno duodecimo