Charter Document - 03390062

[R]obertus dei gratia Sar episcopus dilectis in Cristo filiis capitulo Sar salutem gratiam et benedictionem In omnibus causis et negotiis personam nostram contingentibus ex parte una et magistrum Martinum de Summis canonicum Sar et Henricum de Summis clericum et suos ex altera coram quibuscumque iudicibus seu arbitris per predictum magistrum M et H et suos qualitercumque suscitatis vel que suscitari possunt dilectum in Cristo filium magistrum Stephanum de Mannecestr canonicum Sar procuratorem nostrum ad componendum transigendum et in animam nostram iurandum noveritis nos constituisse ratum habituri et gratum quicquid per eum ordinatione vel provisione vestra mediante actum fuerit in hac parte Hoc ideo dictis magistro M et H de Summis et aliis quibuscumque quos dicta negotia contingunt literis presentibus significamus Valete in domino