Charter Document - 03390061
| Charter Number: | 03390061 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 |
| Date type: | Internal, Calendar, Episcopal |
| Resource Link(s): |
|
Charter:
Universis Cristi fidelibus presens scriptum visuris vel audituris Robertus miseracione divina Sarr ecclesie minister humilis salutem in domino sempiternam De dei misericordia beate virginis Marie interventu omniumque sanctorum meritis confidentes omnibus parochianis nostris et aliis quorum diocesani hanc nostram gratam habent indulgenciam de peccatis suis vere contritis et confessis ecclesiam hospitalis sancte Marie virginis de Bradel pio devocionis affectu seu elemosinarum largicione visitantibus maxime etiam pro anima bone memorie Iohannis Byset cuius corpus ibidem tumulatur et pro animabus antecessorum suorum dicte domus fundatorum apud altissimum pias preces effundantibus tredecim dies de iniuncta sibi penitencia misericorditer relaxamus relaxaciones a venerabilibus fratribus coepiscopis nostris hospitali memorato ob causam supradictam concessas et concedendas ratas habentes et gratas Nolumus tamen quod per has literas nostras perpetuo duraturas predicator aliquis in diocesi nostra admittatur Dat pridie non Novembris pontificatus nostri anno quintodecimo