Charter Document - 03390057
| Charter Number: | 03390057 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1238 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Robertus miseratione divina Sar ecclesie minister humilis salutem eternam in domino Noverit universitas vestra nos de consensu et voluntate dilectorum filiorum Iohannis prioris de Lanthon iuxta Gloverniam et eiusdem loci conventus de vicaria ecclesie sue de Chiriton sic ordinasse Videlicet quod dicta vicaria perpetuo consistet in omnibus obventionibus altaris et cymiterii in decima lane casei agnorum curtillagiorum porcorum pullorum aucarum et lini crescentis in curtillagiis cum decima feni ville de Chiriton excepta decima lane casei agnorum et feni proveniente de dominico Templariorum si contingat dictos priorem et conventum a prefatis Templariis ipsam evincere item in tribus acris melioribus de dominico domini abbatis de Gresting in villa de Kunoc quarum due seminate erunt de frumento et tertia de ordeo vel siligine preterea in tribus caseis et duobus bussellis frumenti de domo eiusdem abbatis cum una crofta que vocatur Ellecroft et pastura ad quadraginta oves et quatuor boves et quatuor porcos in tota etiam decima Galfridi de Cuuelleston Willelmi Weyland et Warini Tabernarii quam quidem Robertus de Sydemue aliquando percipere consuevit Sustinebit etiam vicarius qui pro tempore fuerit in ecclesia supradicta omnia onera ordinaria Ut autem hec ordinatio nostra prout rite facta est perpetue firmitatis robur optineat presenti scripto sigillum nostrum duximus apponendum Hiis testibus magistro Stephano de Manecestr Petro de Cumb canonicis Sarr et aliis Dat apud Westhorton per manus Walteri de la Wyle capellani nostri octavo kl Februarii pontificatus nostri anno nono