Charter Document - 03390049

Universis sancte matris ecclesie filiis Robertus dei gratia Sar ecclesie minister humilis Roberti decanus et capitulum loci eiusdem salutem in domino Iesu Cristo Cum magnificus princeps dominus Henrico dei gratia rex Angl[ie] illustris dominus Hibern[ie] [dux Norman[nie] Aquit[anie] et comes Andeg[avie]] dominus noster pariter et patronus ac nostre ecclesie specialis fundator ad nostrum personaliter declinans capitulum a nobis petisset sibi pro dono speciali concedi ut festa beatissimi regis Edwardi cuius vita et memoria in conspectu domini noscitur preciosa quo magis Cristus in suis sanctis in terris colatur mirabilis et precipue gloriosus in nostra habeantur ecclesia sollempnia et festiva nos divinum cultum ampliando arbitramur obsequia impendere deo grata tot dona tot beneficia tot largitatis magnifice libertates quibus idem princeps dominus et fundator nos et nostram decoravit ecclesiam ad debite devotionis animum revocantes presertim quod nostram ecclesiam olim in castro suo multis obsessam incommodis in planitiem et locum spatiosum transtulit et fundavit de assensu et voluntate communi in hunc modum duximus annuend[um] quod dies translationis regis incliti supradicti que in quingena sancti Michaelis veneranda occurrit tanquam sollempne et duplex festum tam in processionibus cappis luminaribus quam in ceteris chori servitiis necnon et in communa canonicorum et vicariorum in nostra celebrabitur ecclesia perpetuis temporibus annuatim diem autem depositionis gloriosi regis eiusdem que in vigilia Epiphanie se offert celebriter observandam cum pleno servitio et chori regimine disposuimus celebrare Utrumque vero festum in civitate et dioecesi a clero et populo providimus sollempniter ab omnibus observandum ut ab omni opere illicito nostri se abstineant subditi universi ac si dominicus dies esset Et in ecclesiis nobis subiectis de tam precioso sancto secundum nostrum ecclesie usum debitum servitium impendatur quo magis suorum efficiamur participes meritorum et celsitudini regie placeamus In huius rei fidem et testimonium sigilla nostra apponi fecimus huic scripto [Istius facti et concessionis sunt testes tunc in capitulo existentes dominus Robertus dei gratia Sar episcopus dominus Roberto decanus Roberto de Karevill thesaurarius domini et magistri Nicholaus archidiaconus Sar Rogerus archidiaconus Wiltesir Iohannes Maunsel cancellarius London magister Henrico Teissun archidiaconus Bathon N subdecanus Radulfo de Eboraco Henrico de Bisschopeston Walteri de la Wile Thome de la Wile Roberto de Wichhamton R de Beauvoyr Ricardo de Benham Rogero de Merleberge Roberto Foliot Herbertus de Bedewyde Roberto de Capella canonici Sarr Data die lune infra oct[avas] Petri et Pauli anno domini MCCXLVI Valete]