Charter Document - 03390041
| Charter Number: | 03390041 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 |
| Date type: | Internal, Episcopal |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit R miseratione divina Sarr ecclesie minister humilis salutem eternam in domino Religionis observantiam conversationis honestatem et hospitalitatis munificentiam dilectarum in Cristo filiarum priorisse et conventus de Garinges diligentius attendentes ipsarum utilitati commodo et honori pro ut ex officio pastorali possumus et debemus sollicitius cupimus providere Inspecta igitur [carta] bone memorie Willelmi de Syfrewast super concessione et donatione ecclesie de Hamstede dictis monialibus de Garing necnon et confirmatione Hanelati [filii] et heredis eiusdem Willelmi super eodem inspectis etiam confirmationibus pie recordationis Iocelini et Herberti predecessorum nostrorum episcoporum Sarr factis super ecclesia memorata carta etiam quondam Ade de Saunford super ecclesia de Langele eisdem monialibus concessa necnon et confirmatione prefati Iocelini episcopi Sarr super eadem inspectis item inspecta compositione facta a venerabili patre et predecessore nostro Ricardo Sarr episcopo super duabus partibus garbarum de decimis ecclesie de Suthmorton a prefatis monialibus percipiendis inspecta etiam confirmatione eiusdem domini R super dimidia virgata terre in Suleham et duodecim acris terre de Suthfeld et una acra prati decimis feno pane anguillis pannagio porcorum et pascuis boum et vaccarum et aliis a quodam Rogero de Witchereche hospitali sancti Iohannis de Englesfeld quod subiacet monasterio dictarum monialium concessis sicut in predictis cartis tam patronorum quam dictorum episcoporum confirmationibus plenius continetur ea caritatis intuitu prefatis monialibus auctoritate pontificali duximus confirmanda In cuius rei testimonium presens scriptum sigilli nostri munimine fecimus roborari Hiis testibus magistro Radulfo de Gnoshale officiali nostro Stephano de Manescestr Willelmo de Cumbe canonicis Sarr Petro de Cumbe senescallo nostro Ricardo de Midelton capellano Galfrido de Bedeford Galfrido de Otteford Iohanne de Strod clericis nostris et aliis Dat apud Sunning per manum Walteri de la Wile capellani nostri octavo idus Decembris pontificatus nostri anno septimo