Charter Document - 03390037
| Charter Number: | 03390037 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1235 - 1236 |
| Date type: | Assigned |
| Resource Link(s): |
|
Charter:
Viro venerabili et dilecto sibi in Cristo domino W de Ebor et amico carissimo domino W de Insula iusticiariis domini regis itinerantibus R miseratione divina Sar ecclesie minister humilis salutem et sincere dilectionis affectum Cum in matricula nostra de univeris beneficiis episcopatus nostri confecta que ea que de eisdem beneficiis vertuntur in dubium manifestat plenius et declarat contineatur quod dilecti in Cristo filii abbas et conventus Glaston ecclesie de Grutelington sunt patroni et ad eandem ultimo presentarunt miramur quamplurimum quod dilectus filius dominus Ricardus de Dol miles presentationi eorum ad ipsam ecclesiam se opponit quod quidem dilectioni vestre presentibus duximus intimandum ut si necesse fuerit super premissis reddamini certiores Quocirca discretioni vestre quantum possumus supplicamus quatinus prefatis abbati et conventui Glaston in iure suo in hac parte prosequendo quantum secundum deum et iusticiam poteritis consilium vestrum et auxilium dignemini efficaciter inpartiri ita quod vos tam a deo quam hominibus debeatis merito zelatores iusticie reputari et nos vobis teneamur ad gratias speciales Bene valete