Charter Document - 03390031
| Charter Number: | 03390031 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1232 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Robertus miseratione divina Sar ecclesie minister humilis salutem eternam in domino Ad universitatis vestre noticiam volumus pervenire nos ad presentationem dilecti filii Willelmi de Engelfeld militis Radulfum de Engelfeld clericum fratrem suum ad personatum quadraginta solidorum in ecclesia de Engelfeld caritatis intuitu admisisse ipsumque canonice in eadem instituisse personam In cuius rei testimonium presentem cartam nostram sigillo nostro signatam ipsi R duximus concedendam Dat per manum Walteri de la Wyle capellani nostri apud Sunning quinto decimo kl Marcii pontificatus nostri anno tercio Hiis testibus magistris Radulfo de Gnoshal Thoma de Warewik et Gileberto de Stapelbr canonicis Sar magistro Iohanne de Bermingham Willelmo de Cumbe Petro de Cumbe senescallis nostris Ricardo de Middeltun capellano Galfrido de Bedeford Galfrido de Otteford et aliis Valete