Charter Document - 03390023
| Charter Number: | 03390023 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Robertus miseratione divina Sar ecclesie minister humilis salutem in domino sempiternam Religiosorum fervor et hospitalitatis gratia quibus monasterium dilectorum in Cristo filiorum canonicorum de Bradenestok dominus insignivit nos piis et iustis desideriis ipsorum favere compellunt Hinc est quod cum decimas garbarum provenientes de quinque hydis terre de feodo Iohannis filii Gaufridi in Gostowe et duas partes omnium decimarum provenientium de dominico Willelmi de Lytelcote in Orcheston Bovill quas ipsi canonici optinent et a tempore cuius non extat memoria hactenus pacifice possiderunt sibi et monasterio suo a nobis humiliter petierunt confirmari nos pietatem circa petitionem ipsorum attendentes versari de assensu domini Roberti decani et capituli Sar decimas ipsas eisdem canonicis et monasterio suo auctoritate pontificali duximus confirmandas quo levius onera eis incumbentia supportentur statuentes quod decime memorate ad monasterium predictum decetero pertineant pleno iure In cuius rei robur perpetuum et testimonii fidem has literas nostras sigillo nostro munitas eis duximus concedendas Hiis testibus domino Nicholao de Capella archidiacono Sar magistro Roberto de Wychamton Rogero de la Grene canonicis Sar et multis aliis Data apud Poterne kl Iunii pontificatus nostri anno xvii Valete