Charter Document - 03390021

Robertus dei gratia Sarr episcopus dilecto filio magistro Egidio archidiacono Berksyr salutem gratiam et benedictionem Cum viri religiosi abbas et conventus de Becco ea tibi que de bonis archidiaconatus tui per inprebendationem de Wanetyng Hungreford Saudeborn ecclesiarum et earum capellis quas iidem religiosi viri nomine prebende Sarr optinere noscuntur alienata fuerant illicite coram delegatis a domino papa iudicibus repetenti vel congruam reconpensationem subtractorum fieri postulanti ius patronatus ecclesie de Northmorton reconpensationis nomine auctoritate ipsorum iudicum pro bono pacis fecerint assignari quia conpensatio huiusmodi habita ratione ad dampna archidiaconatui predicto iminencia ex subtractis in prebendationis occasione predicte quamvis honorabilis videri posset in modicum tamen exstitit fructuosa nos quo magis tibi et successoribus tuis ex conpensatione prescripta fructus proveniant cum honore et ut de certo domicilio archidiaconis Berksir qui pro tempore fuerint infra sui archidiaconatus terminos provideamus quod usque ad tempora nostra fuerat inprovisum de assensu capituli nostri Sarr prenotatam ecclesiam de Northmorton cum omnibus ad ipsam pertinentibus archidiaconatui Berks duximus uniendam pontificali auctoritate statuentes quod tu fili archidiacone et successores tui sepedictam ecclesiam cum omnibus suis pertinenciis tamquam archidiaconatui Berk unitam seu annexam unius beneficii nomine habeatis et possideatis decetero inconcusse salva vicaria in eadem ecclesia taxata in qua tibi et successoribus tuis ius presentandi personam idoneam reservamus Et in huius rei testimonium presens scriptum nostri et capituli nostri sigillorum munimine fecimus roborari Testibus dominis Thoma de la Wile Petro de Cumb Waltero de la Wyle magistris Ricardo de Benham Roberto de Wychampton Galfrido de Bedeford Rogero de la Gren canonicis Sarr Iohanne de Vernun Petro de Winborn Willelmo de Castello et aliis