Charter Document - 03390012
| Charter Number: | 03390012 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1246 |
| Date type: | Internal, A.D. |
| Resource Link(s): |
|
Charter:
Omnibus Cristi fidelibus presentes litteras inspecturis Robertus miseratione divina Sar ecclesie minister humilis salutem in domino Ad universitatis vestre notitiam volumus pervenire quod cum dilectus filius magister Rogerus de Burewardescote rector ecclesie sancte Elene de Abend parochianos suos in eadem villa terras habentes super decimis feni traxisset in causam et tandem convenisset inter eosdem quod dicto rectori suo perpetuo annuos quadraginta solidos nomine decimarum feni persolverent nos dictam conventionem inter eos initam ratam et gratam habentes eam auctoritate ordinaria confirmamus decernentes quod dictam pecuniam rector memoratus dum vixerit modo supradicto percipiat Ita quod successores ipsius qui pro tempore fuerint legittimis decimis feni contenti a perceptione et omni exactione dictorum quadraginta solidorum penitus disistant In cuius rei fidem et testimonium presens scriptum sigilli nostri munimine fecimus roborari Hiis testibus magistris Ricardo de Benham Roberto de Wychampton et Roberto le Bealveyr capellano canonic[is] Sar Rogero de Middelton capellano Herveyo de Wynchecumbe sen[escallo] nostro Galfrido de Otteford clerico et aliis Dat apud Sunnyng anno domini MCC quadragesimo sexto mense Iulii Valete