Charter Document - 03390011
| Charter Number: | 03390011 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1245 |
| Date type: | Internal, Episcopal, Feast |
| Resource Link(s): |
|
Charter:
R dei gratia episcopus Sar dilectis filiis W priori et conventui Abbendon salutem gratiam et benedictionem Audita nuper gravi querimonia vestra super intollerabili dilapidatione bonorum monasterii vestri per abbatem vestrum tantam discordie materiam graviter sustinentes ad monasterium vestrum visitationis et correctionis causa personaliter descenderemus si hoc corporis nostri debilitas et viarum discrimina sustinerent Hinc est quod desiderio vestro inpotentia refragante dilectum filium magistrum R de C officialem nostrum ad vos loco nostri duximus destinandum instanti die beati Clementis ut circa excessuum correctionem illicitam alienationem et dilapidationem necnon et morum reformationem et alias in monasterio vestro et capitulo agat auctoritate nostra quod domno ad gloriam monasterioque vestro et vobis ad comodum cedere debeat et honorem ad quod predictum officialem nostrum loco nostri admittatis benigne Dat die beati Edmundi pontificatus nostri anno xvii