Charter Document - 03382142
| Charter Number: | 03382142 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1261 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Universis Cristi fidelibus ad quorum noticiam presens scriptum pervenerit Petrus miseracione divina Herefordensis ecclesie minister humilis salutem in domino sempiternam Debitum officii nostri requirit ut inter solicitudines quibus assidue premimur ecclesiarum utilitatibus iugiter intendamus et specialiter ecclesie nostre Herefordensis cui spirituali coniugio sumus alligati ut ipsa nostre diligencie studio auctore domino continuum suscipiat incrementum et sentiat effectu quam beningno favore eam prosequimur in affectu Cum iugiter ius patronatus ecclesie de Boclinton vacantis per mortem bone memorie Iohannis Foliot quondam canonici nostri et eiusdem ecclesie rectoris sumus adepti nos considerantes dignitatum ecclesie nostre Herefordensis et specialiter thesaurarie eiusdem tenuitatem et exilitatem et honera diversa que eidem thesaurie incumbunt ipsam ecclesiam de Boclinton cum omnibus suis pertinenciis dicte thesaurarie tractatu super hoc cum clero et canonicis nostris posthabito divine pietatis intuitu conferimus et apropriamus et de consensu capituli nostri confirmamus concedentes et statuentes quod thesaurarii ecclesie Herefordensis qui pro tempore fuerint fructus et obventiones dicte ecclesie in usus suos ad sui et dicte thesaurarie sustentacionem convertant Ita tamen quod dicta ecclesia de Boclinton debitis non defraudetur obsequiis salvis etiam centum solidis ex ordinacione bone memorie H Folyot quondam episcopi Herefordensis capitulo Herefordensi et capellanis divina in capella beate Katerine Hereford celebrantibus concessis prout in dicta ordinacione eiusdem plenius continetur ad peticionem vero magistri Egidii de Avenebir prefate ecclesie Herefordensis thesaurarii concedimus ordinamus statuentes ut vicethesaur ecclesie Herefordensis qui pro tempore fuerit pro anima nostra et dicti magistri Egidii et parentum suorum ac omnium benefactorum ecclesie Herefordensis divina celebret inperpetuum sumptibus cuiuslibet thesaurarii qui pro tempore fuerit ita quod quilibet thesaur ultra stipendia et debita consueta duas marcas ad duos anni terminos videlicet ad purificationem beate Marie unam marcam et ad festum Sancti Ethelberti unam marcam singulis annis eidem vicethesaur de dicta ecclesia de Boclinton solvat inperpetuum In cuius rei testimonium presenti scripto sigillum nostrum apponi fecimus Hiis testibus domino Willelmo de Kyngeston magistro Stephano de Grumvile magistro P de Eugen canonicis Herefordensis ecclesie domino Galfrido rectore ecclesie de Blicchindon Roberto de Bosbur clerico et aliis Dat mense Ianuarii anno domini millesimo ducentesimo sexagesimo primo