Charter Document - 03381152
| Charter Number: | 03381152 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1274 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Frater R permissione divina Cantuariensis archiepiscopus totius Anglie primas venerabili in Cristo fratri domino I dei gratia Herefordensi episcopo salutem in salutis auctore Quia fida relatione intelleximus portionem vicarie de Lydeneya quoad facultates illius ecclesie esse nimis tenuem et exilem tenore presentium vobis in virtute obedientie primitus iniungendo mandamus quatinus ipsius ecclesie facultatibus et oneribus tam ordinariis quam extraordinariis supportandis in ipsa per vos seu per aliquos fidedignos nostro capitulo vel dicto vicario non suspectos diligentius ponderatis eidem vicario et suis successoribus portionem congruam continentem ad minus tertiam partem omnium bonorum spectantium ad dictam ecclesiam infra quindecim dies a receptione presentium assignetis appellatione seu reclamatione aliqua non obstante ipsumque in corporalem possessionem portionis huius inducatis et defendatis inductum contradictores et rebelles si necesse fuerit per censuram ecclesiasticam compescendo Valete in domino Iesu Cristo Dat Rading xi kl Febr anno domini MCC septuagesimo tertio