Charter Document - 03380161
| Charter Number: | 03380161 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Universis sancte ecclesie filiis presentes litteras inspecturis Iohannes permissione divina humilis minister ecclesie Herefordensis salutem eternam Finem litibus discordiis et contentionibus quatenus nobis possibile est imponere cupientes e voluntate et consensu religiosorum virorum abbatis et conventus de Tinterne Landavensis dioecesis rectorum ecclesie de Wollaston nostre dioecesis et domini Roberti vicarii dicte ecclesie facta diligenti inquisitione tam super facultatibus ipsius ecclesie quam oneribus incumbentibus ipsius rectoribus et vicariis in eadem vicaria ipsam in infrascriptis portionibus inperpetuum decernimus et tenore presentium ordinamus videlicet in toto altaragio predicte ecclesie et capelle de Aluynton dependentibus ab eadem cum mortuariis et decimis gardinorum et curtilagiorum predictarum ecclesie et capelle cum decima molendini de Aluretheston et in quadraginta solidis sterlingorum quos predictus vicarius et successores sui singulis annis in festo Sancti Michaelis apud Wolanston a dictis religiosis percipient Predictus vero vicarius et eius successores onera ordinaria sustinebunt et extraordinaria pro suis portionibus contingentia et dictis ecclesie et capelle honeste prout decet facient de serviri Ut igitur hec nostra ordinatio et assignatio robur firmitatis inperpetuum obtineat et omnis materia dissensionis inter dictos religiosos et vicarium qui pro tempore fuerit penitus amputetur presentes litteras sigilli nostri munimine fecimus roborari Datum apud Sugwas kalendas augusti anno domini MCCLXXIIII