Charter Document - 03380159
| Charter Number: | 03380159 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 - 1275 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presentes literas inspecturis Iohannes permissione divina humilis minister Her ecclesie salutem in domino sempiternam Noverit universitas vestra nos dedisse et concessisse pro nobis et successoribus nostris et presenti carta nostra confirmasse dilecto in Cristo filio et nepoti nostro domino Roberto le Bretun pro homagio et servitio suo totam terram de Walintone quam Hugo de Walinton clericus quondam tenuit de nobis in manerio de Ledebur cum domibus et edificiis et pascuis pratis et pasturis omnibus libertatibus liberisque consuetudinibus et omnibus aliis pertinentiis ad dictam terram spectantibus habendam et tenendam dictam terram cum omnibus suis pertinentiis dicto domino Roberto et heredibus suis ex legitimo matrimonio procuratis in perpetuum reddendo nobis et successoribus nostris ipse et heredes sui de dicta terra consuetudines et servitia debita et consueta Et si contingat dictum dominum R sine herede de corpore suo in fata decedere dicta terra cum omnibus suis pertinentiis ad nos vel ad successores nostros integre revertatur Nos vero dictus I et successores nostri totam predictam terram cum edificiis suis et omnibus aliis pertinentiis dicto Roberto et heredibus suis de corpore suo legitime procreatis in perpetuum warantizabimus contra omnes homines et feminas et defendemus Et quia volumus quod hec nostra donatio et concessio firma et stabilis in perpetuum permaneat huic presenti carte sigillum nostrum duximus apponendum Hiis testibus domino Petro de Bromton Willelmo le Chamberleyn Galfrido de Credeleya Willelmo de Hamme Reginaldo Pauncefot Iohanne de Solers Ricardo de Middleton et aliis