Charter Document - 03380158
| Charter Number: | 03380158 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Arrangement |
| Date: | 1274 |
| Date type: | Internal, Episcopal, Feast |
| Resource Link(s): |
|
Charter:
Universis sancte matris ecclesie filiis presens scriptum visuris vel audituris Iohannes dei gratia Herefordensis ecclesie minister humilis salutem in domino sempiternam Noverit universitas vestra quod cum de novem solidis et decem denarios quos dilectus et fidelis noster Ricardus de Hereford clericus de scaccario domini Regis nobis singulis annis reddere tenebatur de terra sua de Felde in parochia ville nostre de Hompton concessimus eidem et heredibus suis pro nobis et successoribus nostris quod redderet nobis per annum duos solidos ad terminos per episcopatum nostrum constitutos et quod provideret nobis et ecclesie nostre Hereford in septem solidatis et decem denariatas annui et quieti redditus alibi in maneriis nostris sicut in carta nostra quam de nobis inde habet et cui appensum est sigillum capituli nostri plenius continetur Et iam providerit nobis et ecclesie nostre predicte in quatuor solidatis redditus in predicta villa nostra de Hompton Nos attendentes fidele obsequium quod idem Ricardus ecclesie nostre diu est et nobis temporibus nostris fideliter et fructuose inpendit et decetero inpensus est adsumsimus nobis onus ad providenda successoribus nostris et predicte ecclesie nostre in residuis tribus solidatis et decem denarios redditus in loco congruo et securo unde predictum Ricardum et heredes suos assignatos pro nobis et successoribus nostris de predictis septem solidis et decem denariis redditus de terra sua predicta de la Felde quietos et remissos clamamus et inperpetuum quietamus Ita tamen quod reddat nobis et successoribus nostris et ecclesie nostre predicte predictos duos solidos pro eadem terra sicut predictum est salvis nobis et successoribus nostris aliis que nobis et ecclesie nostre debentur de eadem terra cum acciderit secundum tenorem cartarum predecessorum nostrorum que volumus nobis et successoribus nostris sine diminutione observari inperpetuum Et pro amore quam habemus versus personam predicti Ricardi a longo tempore habuimus remisimus ei omnia areragia que nobis debentur de toto redditu predicte terre usque ad festum Exaltationis Sancte Crucis anno gratie MCC septuagesimo quarto et anno regni Regis Edwardi filii regis Henrici secundo In cuius rei testimonium sigillum nostrum una cum sigillo capituli nostri presenti scripto apponi fecimus Datum apud Sugwas in vigilia sancti Mathei apostoli pontificatus nostri anno sexto