Charter Document - 03380157
| Charter Number: | 03380157 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Remission |
| Date: | 1270 |
| Date type: | Internal, Episcopal, Feast |
| Resource Link(s): |
|
Charter:
Omnibus ad quos presens scriptum pervenerit Iohannes miseratione divina Herefordensis episcopus salutem in domino eternam Attendentes affectionem quam dilectus et fidelis noster Ricardus de Herefordia clericus de scaccario domini regis habet ad promovendum negotia ecclesie Herefordensis et mea et pro eo quod futuris temporibus necessarius nobis et ecclesie nostre predicte inveniri poterit de assensu et voluntate Iohannis decani et capituli nostri Herefordensis de novem solidatis et decem denariatas annui redditus que idem Ricardus nobis reddere tenetur per annum de terra sua de la Felde quam de nobis tenet in villa nostra de Homptone remisimus eidem Ricardo et heredibus suis et assignatis suis quibuscumque exceptis viris religiosis et Iudeis septem solidatas et decem denariatas memorati redditus inperpetuum ita quod de cetero reddant nobis et successoribus nostris duos solidos per servitium salvis nobis et successoribus nostris omnibus aliis que ad nos pertinent de eadem terra secundum tenorem cartarum pie recordationis Hugonis Folyot et Petri de Aquablanca predecessorum nostrorum et confirmationis capituli predicti et in recompensationem remissionis nostre predicte idem Ricardus providebit nobis de septem solidatis et decem denariatis annui et quieti redditus in loco competenti Et in huius rei testimonium huic scripto sigillum nostrum una cum sigillo capituli nostri predicti apponi fecimus Datum in capitulo Herefordie die sancti Mathei apostoli pontificatus nostri anno secundo