Charter Document - 03380150
| Charter Number: | 03380150 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1274 |
| Date type: | Internal, A.D., Calendar, Episcopal |
| Resource Link(s): |
|
Charter:
I dei gratia Hereford episcopus dilecto filio in Cristo decano de Foresta salutem gratiam et benedictionem Cum a venerabili patre domino Cant archiepiscopo nuper recepimus in mandatis licet ad hoc ex officii nostri debite teneamur quod vicarie de Liden secundum facultates ipsius ecclesie certas portiones assignare faciamus et sufficientes vobis mandamus firmiter iniungendo quatinus rectores vicarios capellanos clericos et alios viros legales et fidedignos illius parochie per quos veritas melius inquiri poterit tam super vera estimatione illius ecclesie et omnium onerum spectantium ad rectores et etiam de oneribus incumbentibus vicario in eadem visis istis citetis vel citari faciatis quod compareant coram nobis vel commissariis nostris in ecclesia Sancti Brevelli in Foresta hac instanti die Veneris proxima post festum Sancte Agathe virginis veritatem quam noverint in premissis fideliter relaturi et ulterius scituri in huiusmodi negocio quod postulaverit ordo iuris Citetis autem rectores ipsius ecclesie et vicarium quod intersint dictis die et loco si sua viderint interesse et eisdem videatur expedire Quid autem super hoc feceritis nobis dictis die et loco vel commissariis nostris constare faciatis per literas vestras patentes harum seriem continentes vos etiam personaliter similiter interesse curetis de personis citatis et nominibus eorundem nobis vel commissariis nostris fidem facturi indubitatam Valete Dat apud Sugg pridie Non Februarii pontificatus nostri anno quinto