Charter Document - 03380144
| Charter Number: | 03380144 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1274 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Iohannes dei gratia Herefordensis ecclesie minister humilis salutem in domino sempiternam De omnipotentis dei misericordia et beate virginis Marie et Sancti Ethelberti regis et martiris gloriosi omniumque sanctorum suffragiis confidentes omnibus parochianis nostris et aliis quorum dioecesani hanc nostram indulgentiam ratam habuerint de peccatis suis vere contritis et confessis qui aliquid de bonis suis sibi a deo collatis luminaribus vel altari vel ornamentis capelle beate virginis predicte Hereford vel eciam ymagini ipsius beate virginis contulerint vel transmiserint et pro pace et statu venerabilis ecclesie et etiam regni Anglie et pro animabus omnium fidelium defunctorum oraverint pia mente quadraginta dies de iniuncta sibi penitentia misericorditer relaxamus Data Hereford die Martis proxima ante festum beati Andree apostoli anno domini MCCLXX quarto