Charter Document - 03380141
| Charter Number: | 03380141 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1272 |
| Date type: | Internal, A.D., Calendar, Episcopal |
| Resource Link(s): |
|
Charter:
Iohannes permissione divina Herefordensis ecclesie minister humilis dilectis in Cristo filiis decano et capitulo Hereford salutem gratiam et benedictionem Cum inter alias sollicitudines quibus premimur ecclesie nostre cui specialiter astringimur providere debeamus ut clericorum in eadem deo famulantium excitetur devotio et numerus augeatur nos ecclesias de Holemare Longa Stanton et de la Pipe quarum ius patronatus ad vos spectare dinoscitur cum eas vacare contigerit vobis et successoribus vestris cum omnibus suis pertinentiis auctoritate pontificali conferimus in proprios usus perpetuo habendas et possidendas salva nobis potestate de fructibus et proventibus seu etiam obventionibus earundem ordinandi prout ad honorem ecclesie vestre et ampliationem cultus divinus in eadem videbitur expedire collatione nostra quo ad appropriationem ecclesiarum earundem nichilominus in suo robore duratura In cuius rei testimonium presentibus literis sigillum nostrum duximus apponendum apud Prestebur septimodecimo kalend Octobr anno domini MCCLXX secundo pontificatus nostri anno quarto