Charter Document - 03380140
| Charter Number: | 03380140 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1271 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis presentes inspecturis Iohannes permissione divina Hereford ecclesie minister humilis eternam in domino salutem De dei omnipotentis misericordia gloriose virginis Marie beatorum Petri et Pauli apostolorum incliti regis et martiris Ethelberti omniumque sanctorum suffragiis confidentes omnibus parochianis nostris et aliis quorum diocesani hanc nostram indulgentiam ratam habuerint vere contritis et confessis qui capellam supradicte virginis in ecclesia Hereford missam ibidem in ipsius virginis honore celebrandam adierint audituri ac ibidem pro statu et pace universalis ecclesie et regni Anglie ac pro animabus Iohannis le Breton et Margerie uxoris sue et pro animabus omnium fidelium defunctorum orationem dominicam cum salutatione eiusdem virginis dixerint pia mente seu qui de bonis suis ad ipsius capelle emendationem vel sustentationem clericorum ministrantium in eadem aliqui contulerint intuitu caritatis triginta dies de iniuncta sibi penitentia misericorditer relaxamus Indulgentias autem a pluribus cumque episcopis catholicis concessas ratas habentes eas tenore presentium confirmamus Dat Hereford et sigillo nostro signata xii kl Novembris anno domini MCCLXX primo consecrationis vero nostre anno tertio