Charter Document - 03380139
| Charter Number: | 03380139 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1270 |
| Date type: | Internal, A.D., Feast |
| Resource Link(s): |
|
Charter:
Universis presentes litteras visuris vel audituris Iohannes miseratione divina Herefordensis ecclesie minister humilis eternam in domino salutem Attendentes devotionem dilectorum in Cristo filiorum parochianorum ecclesie de Welinton qualiter ipsi zelo caritatis accensi servitium beate Marie in ecclesia parochiali de Welinton per terrarum suarum redituum et possessionum largientes procurat nituntur inperpetuum duraturum de unanimo consensu et voluntate Iohannis decani et capituli nostri Hereford omnes terras res redditus et possessiones dicto servitio hactenus per quoscumque collatas seu impostorum conferendas ratas habentes et acceptas approbamus et dicto servitio confirmamus ita quod canonicus Hereford ecclesie ad quem spectat prebenda ecclesie de Welinton qui pro tempore fuerit in dictis terris rebus et possessionibus seu reditibus ad dictum servitium spectantibus aliquid iuris vendicare non possit nisi in hoc quod Walterus Restot Stephanus filius Ade Willelmus filius Herberti Iohannes Mervyn Willelmus de la Calowe et Adam Germaynus parochiani dicte ecclesie patroni et procuratores principales dicti servitii et heredes eorundem vel assignati ipsorum quoad dictum servitium specialiter deputati de consilio et assensu vicarii loci qui pro tempore fuerit Capellano beate Marie decedente unum capellanum idoneum dicto canonico ad servitium predictum presentent ut canonice admittatur salvo tunc iure et indemnitate predicte prebende et rectoris eiusdem in omnibus et vicarii qui pro tempore fuerit Predictus vero capellanus dicto canonico canonicam obedientiam faciat et vicario loci debitum reverenter sicut decet Intendat vero dictus capellanus decenter et assidue horis canonicis et misse beate Marie in predicta ecclesia et non alibi In cuius rei testimonium presenti scripto sigillum nostrum apposuimus et eidem scripto sigillum capituli nostri Hereford una cum sigillo domini Iohannis de Ponte tunc canonici dicte prebende apponi procuravimus Datum die Iovis proxima post festum sancti David episcopi et confessoris anno domini MCCLX nono