Charter Document - 03380135

Charter Document - 03380135


Charter Number: 03380135
Cartulary Title: Hereford 1234-1275 Volume 35
Charter Language: Latin
Charter Origin: Religious
Charter Type(s): Notification
Date: 1271
Date type: Internal, A.D., Feast
Resource Link(s):

Charter:

Universis Cristi fidelibus presentes litteras inspecturis vel audituris I permissione divina Herefordensis ecclesie minister humilis salutem in domino sempiternam Noverit universitas vestra nos diu est excommunicasse et sollempniter excommunicatum denuntiari fecisse Hugonem de Lodel clericum eo quod absque alicuius auctoritate temeritate sua propria contra iusticiam intrusit se in capellam de Aysford ad cancellariam predicte ecclesie nostre Hereford spectantem qui in eadem excommunicationis sententia perseverans eandem capellam sue salutis inmemor violenter detinet occupatam unde ut dictus Hugo tanquam filius iniquitatis et nequitie Cristianitatis religionem contempnens ab omnibus Cristianis arctius evitetur cum ipsius communio communicantibus periculum pariat animarum Has literas nostras sigillo nostro roboratas fieri fecimus patentes Dat apud Sugwas die Iovis proxima post festum Sancti Michaelis anno domini MCC septuagesimo primo