Charter Document - 03380124

In nomine Patris et Filii et Spiritus Sancti amen Anno Incarnationis Dominice millesimo ducentesimo sexagesimo octavo indictione undecima mense Novembris die lune proxima ante festum beati Andree apostoli in presentia testium subscriptorum ad hec specialiter [] Herfordensis episcopus testamentum suum ordinandum et redigi in publicam formam per me notarium infrascriptum prout inferius continetur Quoniam melius est sub spe mortis vivere quam sub fiducia longeve vite subitaneam mortem subire et nichil sit quod magis hominibus debeatur quam ut supreme voluntatis eorum liber sit stilus et liberum arbitrium quod iterum non redit Idcirco nos P miseratione divina Herefordensis episcopus compos mentis Deum diem iudicii et casus qui humanitus contingunt pre oculis habentes et anime nostre providere volentes hanc in nomine Sancte et Individue Trinitatis Patris et Filii et Spiritus Sancti nostram ultimam voluntatem sic duximus disponendam Inprimis damus et legamus Deo et beate Marie Virgini beato Michaeli Archangelo et Omnibus Sanctis animam nostram et in venerabili ecclesia nostra beate Katerine et Marie Magdalene iuxta Aquam Bellam cuius fundatores donatores et patroni sumus nostram eligimus sepulturam videlicet in choro et in loco qui est inter lectrinum et columpnam vel candelabrum cerei Paschalis Viscera nostra volumus sepeliri in maiori ecclesia Herefordensi cui ecclesie nostre Herefordensi legamus et donamus mittram nostrum [] clv alb [] operi dicte ecclesie viginti marcas Item singulis canonicis qui interfuerint exequiis nostris decem solidos Item capellanis et aliis clericis qui interfuerint quatuor libras Item fratribus minoribus Herefordie duas marcas Item sanctimonialibus de Cornebur [] Ledebur sexagint sol Item hospitali Sancti Ethelberti Herfordie dimidiam marcam et hospitali Sancti Iohannis [] et tribus maladeriis que sunt circa Herefordiam cuilibet dimidiam marcam Item [] priori Wermele et ecclesie sue [] Item damus et legamus et concedimus predicte ecclesie nostre de Sancta Katerina et Maria Magdalena iuxta Aquam Bellam ad opus et ad usum luminaris et fabrice et refectionis ornamentorum ipsius ecclesie domos nostras pensiones seu redditus earum cum omnibus pertinentiis earundem quas habemus apud Lugdunum inter domum fratrum predicatorum ex una parte et hospitalem pontis Rhodani ex altera si dominus temporalis de cuius feudo sunt hoc voluerit consentire vel grantare alioquin eos vendi volumus et totum pretium quod ex venditione predictarum domorum haberi sive exigi possit si capitulum dicte ecclesie nostre Sancte Katerine eas vendere vellet et interim pensiones redditus earum et omnem inventionem earundem sacriste vel thesaurario dicte ecclesie Sancte Katerine pro luminari fabrica et reparatione ornamentorum ipsius ecclesie ut prediximus integraliter volumus pervenire qui de hiis domibus predictis in pretio vel redditu percipiet et in lumine fabrica et reparatione ornamentorum dicte ecclesie expendet reddat annis singulis in capitulo dicte ecclesie preposito et canonicis rationem Item damus legamus et concedimus et ad prebendam predicte venerabilis ecclesie nostre sancte Katerine domos nostras quas habemus Parisius in strata seu vico Sancti Iacobi de ordine fratrum predicatorum Item domos seu manerium nostrum de Charanton cum omnibus pertinentiis suis et appendiciis si tamen domini de quorum dominio seu feudo sunt predictam donationem sive ad prebendationem et pietatis divine intuitu et in animarum suarum remedium laudare voluerint vel grantare alioquin omnia supradicta vendi per executores [] et illud totum pretium quod ex venditione predictarum domorum manerii cum pertinentiis habere poterint damus et legamus predicte ecclesie in acquirendis prebendis pro eadem totaliter et integraliter convertendum Et volumus concedimus et precipimus quod clamores nostri per executores nostros emendentur et debita persol [] damus et legamus in subsidium Sancte Terre quadraginta marcas sterlingorum quas nobis debet ex mutuo illustris vir Philippus quondam Lugdunensis electus et ecclesia Lugdunensis et literas obligatorias quarum inde habemus volumus et mandamus tradi et dari in manibus sanctissimi patris nostri Domini Pape ad opus et subsidium Sancte Terre cui cedimus et mandamus omne ius actionem et exactionem que nobis competit seu competere potest contra predictum electum quondam et ecclesiam Lugdunensem pro predicta pecunia exigenda Item damus tria milia libras Viennenses et duo milia libras Turonenses eidem ecclesie nostre beate Katerine [] ita videlicet ut exinde acquirantur redditus et proventus ad perficiendas tresdecim prebendas cum personatibus et vicariis et ad facienda convivia in refectorio [] omnia bona utilia et necessaria dicte ecclesie sustinenda quibus ordinatis et completis de residuo si quid fuerit augeatur per venerabilem patrem Ancelinum Maurianensem episcopum et executores nostros in usus prebendarum hoc ante legata nostra facta ecclesie memorate precipimus et fieri volumus de omnibus bonis nostris tam de nostra pecunia quam de vasis argenteis vel aureis vel annulis vel quibuscumque aliis iocalibus vel etiam debitis Item damus et legamus domine Bytuminis et conventui viginti libras Viennenses pro anniversario nostro annis singulis faciendo quod anniversarium assectetur per visum domini Petri Guel et domini Huberti de Yenna antequam satisfiat eis de pecunia supradicta Item damus et legamus d [] Viennenses pro anniversario nostro annis singulis faciendo quod assectetur per visum predictorum Petri et Huberti antequam satisfiat de pecunia dicta eisdem ante tamen huiusmodi proxima legata hospitali nostro Sancte Katerine quod fecimus ad valentiam trecentarum librarum Viennensium de quibus nolumus aliquid defalcari Si vero aliqua supersint que diximus invenientur de nostro damus et legamus cuilibet ecclesie parochiali hospitali et maladerie Tarentasie diocesis quinque solidos Viennenses et hoc idem et simili modo ecclesiis singulis et hospitalibus et maladeriis in diocesi Maurianensi Item damus et legamus predicte ecclesie de Aquabella et canonicis ipsius quadraginta solidos fortium quos habemus apud Pesey in Tarentasia de servitio annuali [] in dicta ecclesia pro remedio anime nostre et predecessorum nostrorum Item volumus et precipimus quod biblia nostra glosata vendatur de pretio panni emantur ad pauperes vestiendos Item libros sermonum damus et legamus domino Iohanni decano Herefordensi ita tamen quod pro illis solvat quinquaginta libras Viennenses de quibus panni emantur ad [] et pretium ut dictum est pauperibus erogetur Item dicto decano legamus bibliam nostram simplicem quam penes nos habemus Item legamus Bartholomeo clerico nostro triginta marcas sterlingorum Willelmo clerico runcinum quem equitat et quinque marcas Iacobo de Augusta viginti marcas et equum quem equitat Petro [] Petro Aymery viginti marcas et domino Willelmo capellano viginti marcas et runcinum quem equitat Tebaldo Willelmo de Busell Bernardo Galfrido coco et Thome secco cuilibet istorum viginti marcas et cuilibet equum proprium non habenti equum quem equitat Willelmo parvo decem marcas Item cuilibet garcioni [] Angl duas marcas Item Gingonecco et Guillocco pistoribus Willekino Gunniecco de coquina et Merineco cuilibet istorum quinque marcas Gayte quadraginta solidos Iuffleco decem solidos Gussino duas marcas Iohanni de Bercye et Aquino le Mougne cuilibet quinque marcas Philippo de Prestbur decem marcas et [] Hugoni de Monte Maiori damus et legamus triginta marcas Item legamus predicte ecclesie Sancte Katerine omnes libros nostros parvos et maiores exceptis superius legatis Item lavanderie decem sol et Aymentento parvo viginti solidos Item legamus prenominate ecclesie nostre de Aquabella omnes pannos cap [] Item Domino Hamoni de Aquablanca fratri nostro palfridum nostrum bellicensem cum corpertorio nostro novo et uno annulo aureo de melioribus Item domino Iohanni decano Herefordie palfridum nostrum favellum Domine Ancille uxori domini Aymonis decem libras Viennenses tem [] meliori annulo aureo cum saphiro Domine Alicie uxori sue viginti libras Viennenses et unum annulum magistro Emmerico fratri nostro picherum nostrum argenteum domino Iohanni de Aquablanca palfridum nostrum de Wygemor Domine Agneti sorori nostre decem libras Viennenses Magistro Iacob [] Emerico cancellario Herefordensi decem marcas et domino Aymoni precentori decem marcas Iohanni et Emmerico de Ponte cuilibet centum solidos Alasie de Aquablanca nepti nostre decem marcas Item domino Maurianensi episcopo albam nostram novam et eueriam nostram argenteam Item volumus et precepimus in die sepulture [] apud Aquambellam dentur singulis canonicis dicte ecclesie sepulture assistentibus decem solidos Viennenses vicariis capellanis eiusdem ecclesie cuilibet quinque solidos diaconibus vicariis quatuor solidos subdiaconibus tres solidos simplicibus clericis cuilibet duodecim denarios Item volumus quod omnibus capellanis qui ibidem [] Offerantur tres solidos Viennenses cuilibet et procurentur omnes tam canonici capellani quam ceteri clerici dicte sepulture assistentes in refectorio Item legamus Iordano de Londonia capellano robam nostram meliorem scilicet tunicam et supertunicale de bloy sive de pers et mantellum eiusdem Ysote filie sue supertunicale de camelino Preterea instituimus nobis heredem in castro et mandamento et de Briencone cum pertinentiis suis seu castro de Aquablancha [] per mor [] ic in castro et villa de Feysons cum pertinentiis in domo seu castro Sancte Helene cum pertinentiis suis et in omni [] que ad nos pertinent vel videntur pertinere quocumque iure vel modo a fluvio qui vocatur Arcus usque ad Columpnam Iovis dominum Petrum de Aquablanca nepotem nostrum Ita tamen si ipsum absque liberis masculis quod Deus avertat decedere contingeret dominum Iohannem Emericum et Aymonem nepotes nostri ei substituimus in predictis Quod si filiam unam vel plures reliqueret dicti substituti secundum quod decet teneantur eam vel eas nuptie tradere et donare [] Et ordinamus et constituimus de [] Petr patronum ecclesie nostre Sancte Katerine de Aquabella omne ius patronatus quod in ea [] heredes masculos ex suo corpore decedentes et institutos eidem cum locus affuerit substitutioni penitus transferentes Item volumus et precipimus quod ipsi substituti predicti ut dictum est Item legamus illustri domine nostre R [] deauratam cum duobus pelvibus argenteis supplicantes eidem quatinus pro salute anime nostre et honore suo exeunte [] in dicta ecclesia nostra sepulchrum pulcrum et pulicum de cupro Item volumus et precipimus [] duratur ibidem et fiant expensas de nostro illis qui corpus nostrum associaverint [] prout executori nostro vid [] pauperibus erogentur Item volumus quod vestes nostre exceptis legatis [] pauperibus capellanis et clericis erogentur tam de panetria quam de garderoba Item ordinamus executores nostros [] omnes fratres presentes fuerint communiter hanc nostram ultimam voluntatem [] presentes non fuerint Dominus Iohannes decanus nostram ultimam voluntatem fideliter exsequatur et faciat per se quod utile sibi videlicet [] Hec [] supradicta [] voluntatem et valere eam iure [] volumus et precipimus eam valere iure codicillorum vel iure cuiuslibet alterius ultime voluntatis et si reperiatur nos fecisse aliud testamentum [] precipientes nullius esse momenti Actum [] predictis Interfuerunt testes vocati specialiter et rogati Dominus Hugo Suffred Dominus Iohannes Maurianensis Magister Petrus de Hugina Petrus de Langon Dominus Petrus de Eymar canonicus Bartholomeus de Alawardo et Magister [] qui omnes sigilla sua una cum sigillo nostro presenti scripto apposuerunt ad perpetuam memoriam et maioris roboris firmitatem Et ego Iacobus Augustiniensis clericus publicus notarius sacri palatii [] hoc fideliter scripsi et tradidi et sig []