Charter Document - 03380118
| Charter Number: | 03380118 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1242 |
| Date type: | Internal, A.D., Feast |
| Resource Link(s): |
|
Charter:
P miseratione divina Hereford ecclesie minister humilis dilectis in Cristo filiis magistro W de Kalmhulle et decano de Webbel salutem gratiam et benedictionem Cum constet nobis ad plenum viros religiosos priorem et conventum de Wormel eiusdem loci ecclesie viros esse patronos et Willelmum eiusdem ecclesie nuper rectorem in manus nostras eandem sponte resignasse attendentes eiusdem domus paupertatem et utilitatem ipsius affectantes eandem ecclesiam dictis religiosis in usus proprios caritative duximus conferendam Eapropter vobis mandamus quatinus dictos priorem et conventum in corporalem eiusdem ecclesie possessionem inducatis et defendatis inductos contradictores et rebelles per censuram ecclesiasticam compescendo ad predicta exequenda unus vestrum alterum non expectet Dat in crastino dominice qua cantatur quasi modo geniti anno domini MCCXLII