Charter Document - 03380115
| Charter Number: | 03380115 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1247 |
| Date type: | Internal, A.D., Feast |
| Resource Link(s): |
|
Charter:
Universis Cristi ad quorum presentiam presens scriptum pervenerit Petrus divina miseratione Herefordensis ecclesie minister humilis rei geste notitiam cum salute Universitati vestre tenore presentium facimus manifestum nos dedisse et concessisse dilecto nostro Willelmo de Labbere terram de dominico nostro de Bromyart que fuit tradita a bone memorie quondam Hugone de Mappenor predecessore nostro custumariis nostris de Bromyart extollenda item duas dimidias virgatas terre que fuerunt quondam Hugonis cementarii que erant in manu nostra Hec omnia supradicta eidem Willelmo suisque liberis et heredibus dedimus et concessimus pro homagio fidelitate et servitio suo que nobis fecit et pro tanto redditu pro qualibet acra quantum dicti custumarii et dictus Hugone quamdiu tenuerunt facere consueverunt ut ipse hanc teneat et possideat in perpetuum secundum consuetudinem prout tenent libere nostri tenentes in nostra dioecesi et inde faciat salvo iure domini nostri quicquid sibi suisque filiis et heredibus deinceps placuerit faciendum ita tamen quod dictus Willelmus eiusque successores a nobis teneant in capite et ibi gardam habeamus si evenerit et nunquam faciant recipiendo aliam terram vel aliud faciendo unde gardam vel maritagium possemus amittere vel successores nostri quod si facerent caderent a iure concessionis nostre Promisimus eidem Willelmo preterea dictam terram defendere warantizare sibi suisque assignatis inperpetuum In cuius rei testimonium eidem tradidimus presentem paginam sigilli nostri munimine consignatam Act apud Lammee iuxta Lond anno domini MCCXL septimo die iovis post festum Sancti Martini presentibus B priore Campan Thoma capellano Waltero capellano Giraldo clerico David clerico et aliis