Charter Document - 03380108

Universis Cristi fidelibus presentes litteras inspecturis Petrus dei gratia Hereford episcopus eternam in domino salutem Noverit universitas vestra nos vidisse et diligenter inspexisse quasdam litteras sigillo domini Henrici illustrissimi regis Anglie sigillatas non cancellatas non abolitas nec in aliqua parte sui vitiatis in hunc modum H dei gratia rex Anglie dominus Hybern dux Norman Aquitanie et comes Andegavie archiepiscopis episcopis abbatibus prioribus comitibus baronibus iusticiariis vicecomitibus prepositis ministris et omnibus ballivis et fidelibus suis salutem Sciatis nos pro animabus domini I regis patris nostri et Ysabelle matris nostre pro animabus antecessorum nostrorum et nostra et regine nostre ac liberorum nostrorum dedisse et concessisse et hac carta nostra confirmasse in puram et perpetuam elemosinam magistro et fratribus hospitali Sancti Antonii Viennen diocesis ad opus pauperum degentium in eodem hospitali advocationem ecclesie Omnium Sanctorum de Hereford et capelle Sancti Martini ad eandem ecclesiam pertinentis Volentes quantum in nobis est ut eandem ecclesiam cum omnibus pertinentiis suis habeant imperpetuum in usus proprios deputatam quare volumus et firmiter precipimus pro nobis et heredibus nostris quod predicti magister et fratres hospitalis Sancti Antonii Viennen diocesis ad opus pauperum degentium in eodem hospitali habeant advocationem ecclesie Omnium Sanctorum de Hereford et capelle Sancti Martini ad eandem ecclesiam pertinentis volentes quantum in nobis est ut eandem ecclesiam cum omnibus pertinentiis suis habeant imperpetuum in usus suos deputatam sicut predictum est Hiis testibus venerabili patre P Hereford episcopo Willelmo de Valen fratre nostro Iohanne Mansell preposito Beverl Radulfo filio Nicholai Paulino Perver Roberto de Muchegros Bartholomeo Peche Rogero de Lokinton et aliis Dat per manum nostram apud Wyndesor secundo die Octobris anno regni nostri tricesimo tertio Ad hec vero memoratus dominus rex pluries in propria persona nos rogavit et dilecti nostri viri religiosi magister et fratres hospitalis predicti nobis humiliter supplicarunt ut confirmemus eis et eorum hospitali imperpetuum donationem predictam factam eisdem per dominum regem in dicta ecclesia Omnium Sanctorum Hereford et capella predicta Hinc est quod etiam ad hospitale predictum beati Antonii magna de diversis mundi partibus pauperum et infirmorum confluat multitudo qui occulto Dei iudicio igne beati Antonii qui vulgariter dicitur infernalis miserabiliter ultra quam credi possit in eadem domo usquequo in dicti hospitalis refugio se recolligant cruciantur Ibidemque dei custodientes precepta perpetuo servire permittantur dicto sancto et suis vicariis obedire quibus nos testimonium perhibentes ipsos quos ipsis vidimus oculis vere martires reputamus Cum quibusdam ruptis laterum compagibus pateant nuda viscera eorundem quibusdam dissolutis artuum iuncturis membra articulatim labantur quidam etiam pedibus quidam manibus viduentur quidam consumptis labiis denudatis lingua succensa horribiliter deturpentur sicque adeo illorum natura divino iudicio deformetur ut non iam homines sed vero monstra horribilia videantur Et hiis afflicti doloribus mortem querant et non inveniant mori cupiant et infeliciter vivant Precibus dicti domini regis et supplicationibus dictorum magistri et fratrum [] infirmorum miserorum et hospitalis predicti paupertati compatientes divino intuitu et ob amorem gloriosissimi confessoris beati Antonii qui in dicto hospitali frequentibus illucescit miraculis dictam donationem domini regis ratam et gratam habentes et eam presenti carta nostra confirmamus Et quia propter merita bonitatis magistri et fratrum dicti hospitalis et caritatis opera que cotidie exercentur ibidem dignum considerantes et iustum ut maiora et potiora beneficia sortiantur ecclesiam ipsam Omnium Sanctorum Hereford et capellam predictam cum omnibus pertinentiis suis concedimus et presenti carta nostra confirmamus in puram et perpetuam elemosinam ipsis et eorum hospitali ac cedente vel decedente rectore dicte ecclesie Omnium Sanctorum intrandi corporalem possessionem eiusdem et convertendi et retinendi eam cum dicta capella et aliis pertinentiis suis in usus proprios ad sustentationem pauperum et infirmorum ibidem degentium licentiam eisdem imperpetuum et liberam facultatem concedimus In cuius rei testimonium presentes litteras sigilli nostri munimine fecimus roborari Dat Lond anno domini millesimo ducentesimo quinquagesimo secundo mense Februarii