Charter Document - 03380090
| Charter Number: | 03380090 |
|---|---|
| Cartulary Title: | Hereford 1234-1275 Volume 35 |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1257 |
| Date type: | Internal, A.D., Feast |
| Resource Link(s): |
|
Charter:
Universis Cristi fidelibus presens scriptum visuris et audituris Petrus miseratione divina Herefordensis ecclesie minister humilis eternam in domino salutem Noverit universitas vestra quod nos iura dilectorum in Cristo filiorum decani et capituli Herefordensi illesa servare et eorum indemnitati cavere volentes nullum eis ex retentione et applicatione ecclesie de Dudelebur de consensu ipsorum in proprios usus nostros auctoritate privilegii nobis ab apostolica sede concessi super iure patronatus vel alio si quod habent in eadem ecclesia preiudicium volumus generari quo minus nobis decedentibus aut ecclesiam ipsam aliquo casu dimittentibus seu re signantibus iure eodem utantur licite libere ac quiete In cuius rei robur et testimonium litteras presentes fieri fecimus et sigilli nostri munimine roborari Datum apud Vasant in vigilia beati Hylarii anno domini MCCL sexto